OWWA Riyadh KSA

𝗧𝗜𝗡𝗚𝗡𝗔𝗡: 60 OFWs mula sa Riyadh Saudi Arabia ang nakauwi na sa Pilipinas.

Lulan ng Cebu Pacific Flight 5J 741, matagumpay na narepatriate ang ating mga kababayan mula sa King Khalid International Airport sa Riyadh nitong April 7, 2026. Sila ay sinalubong ng mga kawani ng DMW at OWWA sa NAIA Terminal 3 upang matiyak ang kanilang ligtas at maayos na pagdating.

Ang patuloy na repatriation at welfare assistance na ito ay alinsunod sa direktiba ni Pangulong Ferdinand Marcos Jr., na tiyaking matulungan ang lahat ng OFWs na apektado ng krisis sa Middle East at mabigyan ng nararapat na suporta mula sa pamahalaan.

Sa kasalukuyan, umabot na sa 748 OFWs ang napauwi mula sa Riyadh sa pamamagitan ng pinagsamang pagsisikap ng MWO at OWWA Riyadh. Mahigit 3,600 na rin ang nabigay na iba’t ibang serbisyo, kabilang ang temporary accommodation, hygiene kits, food assistance, at airport assistance para sa mga apektadong manggagawa.