Majdah samir

مش المهم إننا “ما نقعش”.. المهم بنقوم بعد قد إيه؟ ✨

كنت بتكلم في إحدى الجلسات مع أم جميلة عن معنى من أهم المعاني التربوية في وجهة نظري الشخصية.
كان سؤالها عن المرحلة اللي بيمر بيها الأولاد وبيختبروا فيها كل القيم اللي ربيناهم عليها، والمرجعيات اللي اتأسست لسنين، ومع كده عادي يقعوا في الاختبارات دي رغم كل التعب والمجهود.

استنكارها كان: إزاي أضمن إن قدمه متزلش وإنه يكون قوي قدام الشهوات ويقدر يواجه؟!

أنا عارفة إن ده همنا كلنا كأمهات، بس على المستوى الشخصي مش دي أكتر حاجة بتهمني.
مش بيهمني إنه يكون جامد جدًا وما يتكسرش قدام الشهوات واللذات.
لأني مؤمنة إننا كبشر أكيد هنزل ونغلط ونضعف مرات ومرات.
هنقع وهنخطئ وهنضعف وهتزل أقدامنا.

هم كمان هيقعوا وهيغلطوا وهيضعفوا.
المهم مش إننا ما نقعش… المهم إزاي بنستدرك بسرعة؟ بنقف بعد قد إيه؟

الاستدراك هو اللي بيحافظ على الفطرة، وكل ما كانوا أقوى نفسيًا كان الاستدراك أسرع، وكل ما كان الاستدراك أسرع أقدر أقول إنهم أقوى.

ابني اللي هيتعلم إنه لما يغلط يقدر يرجع ويقوم بسرعة، هو ده اللي هيحافظ على فطرته نقية.
مش هيغرق في الشعور بالذنب، ولا هيبرر الغلط، ولا هيستسلم لليأس.

لما بدأت تحدي القيم ركزت إن المعنى ده يكون في أوديو منفصل، أحكي فيه عن الأفكار دي كلها، ويساعد الأمهات يرحموا نفسهم وأولادهم ويمسكوا خيط واضح يتصرفوا من خلاله وقت الوقوع في الخطأ وتكراره.
وسميته سرعة الاستدراك.

تحدي 30 يوم فطرة مختلف، لأنه مش محاضرات مطولة، لكنه مادة مركزة فيها كتالوج تطبيق فعلي وفوري.


التحدي وصل فيه لليوم السادس وموضوعه سرعة الاستدراك، ولسه في فرصة تلحقي بالركب.
للتفاصيل والاشتراك تابعي رابط واتساب التالي:
https://wa.me/message/TDVPGKQUVCABF1

رحلة تعلم جديدة أسأل الله أن تكون نافعة ومفيدة لي ولكل عميلاتي

مش قادرة أنسى شعوري في الموقف ده… كان عندي 6 سنين.”

دي كانت بداية الحكاية في إحدى جلسات سُبُل.

موقف قديم، لكن أثره كان لسه حاضر.

كل ما تفتكره، تسترجع نفس المشاعر.

الموقف ده

بيتحكم في ردود أفعالها مع أولادها اليوم؛

مأثر على إدارتها لأخطاء مشابهة بتصدر عن أولادها،

يخليها تبالغ أحيانًا، وتتساهل أحيانًا.

خايفة تسيب نفس الأثر في نفوس ولادها،

ويكبروا وجواهم ألم مش عارفين يتعاملوا معاه.

ختمنا الجلسة وهي بتقول:

“أنا مش حاسة نفس الإحساس اللي كنت حساه وأنا بحكي الموقف أول مرة.”

متفاجأة، ومستغربة، ومش مصدقة كمان إن ده حصل.

مع إنها كانت متفهمة ومحبة،

إلا إن الموقف ده كان مسبب غُصّة.

الغُصّة بتروح

لما نرجع لنفس المكان،

نتفحص مواضع الألم،

نفهمها،

ونقدم كل سُبُل التصالح معاه.

فـ بيقل…

بيقل لما ندرك إن الوجع مش عدو،

لكنه رسالة

إن في جزء محتاج فهم، وتقبل، ورحمة.

أنا شايفة إن التصالح محتاج:

استعداد نفسي
رغبة حقيقية
صدق لجوء
… وبس.

محتاج حد عاوز يفهم مواضع وأسباب الألم،

بيبص بعين المتفحص الراغب في التعلم،

فبيحصل الاستشفاء.

استعدادك النفسي هو أول خطوة لكسر دوائر الألم المتوارثة.

انضمي إلينا لنبدأ رحلة التصالح.

#سُبُل السلام

رحلة التصالح مع الجذور،

وسبيلنا لتربية أكثر وعيًا،

مبنية على فهم حقيقي لما يبقى في نفوس الأبناء،

من باب الأخذ بالأسباب،

رغم اليقين أن ما شاء الله يكون.

سعينا اللي هنسأل عنه،

مش الضامن للنتائج.

رحلة سعي ووعي جديدة

تبدأ قريبًا إن شاء الله 🤍

للاشتراك والتفاصيل

تتبعي رابط واتس اب التالي ⬇️

https://wa.me/message/TDVPGKQUVCABF1