Sawniy.com

إذا كنتَ سودانياً وتضررت من الحرب ولك باعٌ في التخليص الجمركي وتستطيع السفر إلى إفريقيا عليك بميناء لومي في دولة توغو فهو من أرخص الموانئ وأفضلها حركة وأكثرها حريةً في العمل.
‏إذا كنتَ سودانياً وتضررت من الحرب وتفقه في مجال السيارات فعليك بميناء كوتونو في بنين فهو ميناء عصري

وتتوفر فيه فرص تجارة السيارات وإن كنت تفقه في المكانيكا فهناك سيارات كثيرة تأتي من أوروبا وأميركا وتحتاج إلى أيدٍ ماهرة للتعامل معها وتدر دخلاً جيداً.

‏إذا كنت سودانيا يعشق مجال التعدين والذهب فعليك بالنيجر فهي من أكثر الدول أمانًا وبإمكانك التجارة والتنقيب والبيع والشراء .

إذا كنتَ سودانياً يعمل في مجال المطاعم ولك رغبة في التوسع في العمل وأتعبك الحرب فعليك بمدينة دوالا الكاميرونية فإن المطبخ السوداني عليه إقبال كبير ولا توجد مطاعم تكفي لاستقبال الجاليات الأفريقية المسلمة هناك.

كنتَ سودانياً عمل في السمسم فعليك بمدينة مندو التشادية هناك سواق واعد للسمسم، ويمكنك تأجير هكتارات واسعة والاستفادة من خبرتك لتطوير الانتاج لأن التشاديين لديهم معرفة بسيطة بالزراعة فبإمكانك تقديم الدعم لهم مقابل مردود مالي أو المشاركة في المحاصيل .

إذا كنتَ سودانياً يحب التجارة ويريد تطوير ذاته في التجارة فعليك بالغابون فهناك سوق جيد في العاصمة ليبرفيل وتجارة المواد الغذائية تحقق لك أرباحا جيدة إذا أحسنت التعامل مع الزبائن.
‏خاصة أن الدخل القومي في الغابون مرتفع جدا مع قلة عدد السكان وطبيعة البلد الخلابة.

إذا كنت سودانيا يعمل في الالكترونيات والشبكات والذكاء الاصطناعي فعليك بمدينة كيغالي، ثمة شركات عالمية تريد فتح فروع لها في رواندا وتحتاج إلى كفاءات بإمكانهم تأسيس شركات واعدة تكون نواة أساسية تنطلق منه تطور الذكاء الاصطناعي الإفريقي ..

إذا كنت سودانيا تريد إتقان الانجليزية والتحصيل العلمي المتميز فعليك بجنوب إفريقيا فإنها بيئة تعليمية جيدة ومازالت خلال عقدين كاملين تسيطر جامعاتها على قائمة أفضل الجامعات في إفريقيا .
‏خاصة جوهانسبرج تلك مدينة تستحق أن تُضربُ لها أكباد الإبل .

أحبتي في السودان لا تحصروا أفكاركم شرقاً إلى الخليج أو شمالا إلى القاهرة فهناك عواصم أفريقية يستطيع الواحد إذا كان عصاميا وشغوفا بالعمل ولا يتحجج بالصعوبات ويتحمل البدايات المحرقة بتعبير السكندري أن يحقق نجاحات باهرة ويكون أحد رجالات القارة السمراء في القريب العاجل .

منقول من تويتر

"العمل الحر" - "freelancing"

المصطلح ده اكيد مر عليك كتيير في الفترة الأخيرة
تفتكر ليه هو بتكرر كدا وليه يعتبر مهم؟
وليه انت حتديهو شوية من اهتمامك عشان تتعرف عليه؟

▪️تعال نعمل تصور واضح عن الموضوع من كل جوانبه

📌 هو شنو؟|

ببساطة كدا المصطلح ده بيتقال على أي شغل
انت بتكون حر فيهو - ياااخي😂- اي فعلا بالبساطة دي

حر بمعنى ما مربوط بي شروط أو مؤسسة وبتشتغل في الزمن البريحك
وانت البتحدد الشروط الحتشتغل بيها ودخلك بيكون على قدر اجتهادك

📌 اشتغل كيف؟ |

بتتعلم مهارة جديدة بتقدر تقدم بيها خدمة
وخدمتك ممكن تحل مشكلة أو احتياج
بتعرض الخدمة على الناس اللي عندهم الاحتياج مقابل مبلغ من المال

خدمة زي شنو؟
الأكثر شهرة حاليا :
"التصميم - المونتاج - التسويق - البرمجة - الكتابة - التعليق الصوتي - التصوير"
وغيرها كتييير جدا لأنه احتياجات الناس ما بتنتهي

📌 ابدا كيف؟ |

▪️حدد الخدمة بوضوح وشنو البميزك في تقديمها
▪️أتقن شغلك فيها وابدا أعرض أعمالك
▪️حدد الناس اللي بتتوقع ممكن يستفيدو من خدمتك
▪️أعرض عليهم واحد واحد انك بتقدم الخدمة دي
واكيد لو عرضت على 100 حتلقى منهم 10 يوافقوا واتفقوا على الاسعار

📌 هل ممكن اصنع ثروة من العمل الحر؟ |

كلنا عارفين انه افضل طريق للثراء هو عن طريق المشاريع الخاصة
74% من اثرياء العالم حققوا الثراء من مشاريع بدت من الصفر

ومن الحاجات المهمة في المشاريع انه يكون عندك رأس مال!
طيب افترض معاي انك محتاج رأس مال 100 الف عشان مشروع صغير

▪️لو انت بتقدم خدمة سعرها 2000 جنيه
معناها لو قدمتها لي 50 شخص حتجمع رأس المال المطلوب
لو قدمتها لي 500 شخص لك أن تتخيل المبلغ الحتصل ليهو
-أو افتح آلة حاسبة ما لازم تتخيل يعني😂

📌 "لو عندي خدمة بقدمها، كيف ممكن القى شغل"؟ |

شوف عندك طريقتين

▪️"تسوّق لي نفسك ولخدماتك"
تنزل أعمالك في الفيس او في موقع خاص
وتبدأ تعرضها على الناس بي طريقة احترافية وتخت طريقة للتواصل معاك
ومهارة انك تسوّق لنفسك دي عندها أساسيات ممكن تتعلمها

▪️"تفتش في منصات العمل الحر"
في مواقع ومنصات كتيرة بيجو فيها الناس العندهم احتياجات
بيعلنو عن احتياجهم لي خدمة

تقوم تقدم عرضك طوالي انك بتقدم الخدمة دي
وبتقدر تعرض أعمالك السابقة عشان يتأكد صاحب الاحتياج أو المشروع منك

وزي ما قلنا قبيل لو قدمت لي 100 حتلقى ليك منهم عدد كبير حيقبل
-بس خت في بالك انه ما من اول مرة حتلقى شغل-

وبصراحة فخر عظيم جدا بمنصة Sawniy
منصة عالمية للعمل الحر تم افتتاحها قبل ايام قليلة بي صناعة سودانية

غالبا حتغير مستقبل العمل الحر في السودان والناس حتتطور وتنطلق

لكن السؤال!
"هل انت حتواكب التطور ولا حتقيف في مكانك؟"
"هل حتتحكم فيك العادات والطرق التقليدية؟!"

📌الخلاصة |
▪️اتعلم مهارة تقدر تقدم بيها خدمة
▪️طور نفسك بيها وابدا سوّق لنفسك
▪️فتش ناس بيحتاجوا لخدماتك ومستعدين يدفعوا مقابلها
▪️اشتغل كتييير وفتش واتعب عشان تجمع رأس مالك تبدأ مشروعك الخاص

لو كبرت مشروعك وفتحت مشاريع تانية حتصل للحرية المالية
-وده موضوع تاني ممكن نتكلم فيهو في أوقات لاحقة-

لكن الى ذلك الحين أراك على القمة

شكر خاص و كبير جدا من منصة ساوني للاخ علي البوست الجميل ، كل الحب والاحترام