Restaurants Inside Out

و لإن كأس العالم قرب فأول سؤال بيجيلنا "تعرفوا كافيهات عوائل يتعرض فيها مباريات كأس العالم؟ 🤔"

يا ريت اللي يعرف اي كافيه عوائل هتتعرض فيه المباريات يكتبلنا في الكومنتات و لو مايعرفش يعمل منشن لحد يعرف 😃

ريفيو_ع_السريع
و MADO من تاني 😍

مادو بالنسبالنا من الأماكن اللي بتقدم الاكل بطريقة جميله و كواليتي عالية. يعني تاكل و تستمتع 😋

يعني دي مثلا من أجمل الطرق اللي شوفنا الكنافة متقدمة بيها 😊 ومش شكل وبس لا دي جواها جبنة و طعمها كان طعمها حلو قوي 😍

وبعدين الوردة بتعبر عن نفسها 🌹

وده لينك الريفيو بتاعنا القديم عن MADO
https://m.facebook.com/story.php?story_fbid=1511951968861958&id=1494743553916133

بما ان المره دي هتبقى آخر مره نروح نفطر فيها بمزاج والأولاد في المدارس 😇 فكنا فعلا محتارين مش عارفين نروح فين 🤔 ياترا نروح نجرب مكان جديد وللا نفطر في مكان جربناه قبل كده وحبيبناه ❤️

بس قلنا لازم نجرب مكان جديد، والمره دي اختارنا Ble وكان اختيار موفق 👌

المكان من بره حلو، اول اما دخلنا شمينا ريحه المخبوزات🥐 رغم اننا كنا واصلين اول اما فتح "هو بيفتح الساعة 8 الصبح" القعدة فوق ظريفة قوي. الشمس مديه جو حلو للمكان، و القعدة نفسها حلوه والديكورات جميلة

ال menu كانت مغرية جدا 😍 جربنا ال cherry eggs وده كان عبارة عن 2 كرواسون محشين بيض بالطماطم الشيري وطعمة كان حلو قوي و يشبع.

و ال Parsi eggs وده نقدر نقول عليه شكشوكة بس مش شكشوكة قوي 😁 المهم طعمه وده كان حلو جدا 👍

ال Crunchy Croissant Dip وده كان عبارة عن كوراسون متقطع و غطسان جوه جبنه وعليها بيض.. طعمه كان حلو برده بس كان هيبقى احلى لو كان جنبه بس، مفيش احلي من الجبنة 😍😍

نيجي بأه لل Dessert

تارت بعين الجمل ودي كانت وهميه، من أحلي التارت اللي كلناها. بالنسبة للناس اللي مبتحبش الحاجة مسكره ممكن يعتبروها مسكرة قوي

ال Honey Cake كانت حلوة قوي. سكرها مظبوط ومش تقيله وطعمها ظريف

في المجمل تجربة جميله
ياترا حد فيكم جربه ؟؟

ازيكم يا حلوين 😊

من زمان اووي مادخلناش و ماكتبناش حاجة و ده لأننا كنّا بين سفر و بين انشغالات كتير 😅

بس أكيد مش هانيجي و ادينا فاضية 🤗

جبنالكوا من الرياض مطعم عجبنا جدااا اسمه حارة مصرية 😃

من الرياض؟ 🤔
اه من الرياض ليه لا 😅
يعني لو اي حد من أهل الشرقية حب يغير جو 😉

مطعمنا المرة دي ابهرنا بالديكور بتاعه و اللوح اللي بتنقلك شوية من روح مصر و البارتيشنز اللي كل واحد فيهم باسم جزء من أحياء مصر القديمة ❤️

الأكل كمان كان بين الواو و المعقول و أسعارهم كانت في المستوى المتوسط و الأكل كميته كبيرة 😃

طلبنا من عندهم ميكس جريل و ده طعمه كان جميل

محشي مشكل و ممبار و الاتنين طعمهم حلو سبايسي
طاجن بامية كان طعمها حلو اوي
و شوربة كوارع و لسان عصفور
مع بابا غنوج

الحلو أخدنا ام علي كانت حلوة جدا
و كنافة بالمانجا و كانت عادية

التجربة في المجمل حلوة جدا ننصح اي حد اكيد يجربها 🌷