https://www.facebook.com/665741756940771/

TunaFish Crochet

14/03/2022

اكتشفت موقع شحن رهيب يفيدنا ككروشيهات نرسل اشياء من البيت..
الموقع اسمه سويت حساب فيه وقلت اجرب مو خسرانه شي عندهم ثلاثه فئات لايت (مجانيه) وادفانسد (٥٠٠ شهريا) وبرو (٨٠٠ شهريا) طبعا انا جربت المجاني اشوف الوضع..
جربت اول شحنه حطيت البيانات في الموقع واصدرت البوليصه وطبعتها في البيت بعدين غلفت الغرض ولصقت البوليصه عليه، جاني المندوب لين باب البيت اخذ الطلبيه ومشي.. تاني يوم شيكت لقيت الشحنه راحت خلاص.. طبعا عندكم شركات تختارو بينها ارامكس وزاحل وخمسه شركات تانيه بس نسيت اسمها..
ويعطوكم رابط خاص بيكم تعطوه لعملائكم عشان يتتبع شحنته فين وصلت..
مره جميل الموقع ومرتب وسهل الاستخدام.. عن نفسي اشوفه يستحق التجربه وشكلي باعتمدهم خلاص عشان اوصل لخارج جده ..
اتمنالكم يوم سعيد ❤️

07/03/2022

وتم بحمد الله اكمال بطانية استريد.. الباترون متعب للامانه لكن ممتع وفي كل سطر اشتغلته اتحمس اعمل اللي بعده.. لوحه وتنرسم قدامي والاحلى من هذا كله انه انا اللي رسمتها وانا اللي اخترت الوانها.. اسال الله ان يبارك في اوقاتنا ويباركلنا في هذه الهوايه اللي تشغلنا في شي مفيد وحلو