Capitan kemo

تقريباً مفيش حد بيلعب رياضة إلا واتعرض لالتواء في الكاحل (الـAnkle)، عشان كده حبينا نقول بعض النصائح للرياضيين إزاي يتعاملوا مع التواء الكاحل!

1) متعاندش الالتواء .. يعني في اللحظة اللي بيحصل فيها الالتواء، متحاولش تستعيد توازن جسمك تاني لأن ده بيزود من درجة التواء الكاحل .. الأفضل إنك تسيب جسمك يقع على الأرض في نفس اتجاه الالتواء
2) متكملش الماتش عشان وقت اللعب الجسم بيكون سخن وبالتالي ممكن متلاحظش الألم، لكن بعد ما الجسم يبرد هتلاحظ تورّم منطقة الكاحل بدرجة كبيرة
3) استعمل ثلج أو سبراي مُبرد زي سبراي DEEP FREEZE في أسرع وقت ممكن لأن البرودة بتساعد على تضييق الأوعية الدموية وبتقلل من تدفق الدم للمنطقة المصابة، وبالتالي بتمنع انتشارها
4) أكيد طبعاً هتحتاج تزور الدكتور علشان يحدد حجم الإصابة والعلاج المناسب ليها

اعمل منشن لصاحبك اللي بيلعب رياضة عشان يعرف يعمل إيه لو حصلّه التواء في الكاحل