Morgan Reuben

Merry Christmas

Iyi si: mu "ncuti"(entre guillemets) zose umuntu aba yibwira ko afite, ashaka uwo yabwira ikimuri ku mutima akamubura!

¶Ashaka uwo yabwira ibyiyumvo bye byimbitse(profonds) atikanga ko nawe azahindukira akabibwira abandi,ashaka incuti igira ibanga kandi ifite umwanya uhagije wo kumutega amatwi,AKABURA N'UMWE!!

¶Umuntu ashaka ibitugu byo kuririraho, AKABURA ubimuha,nyamara yakenera amafaranga akabona umuguriza! Amafaranga aruta abacu?

✓Nyamara yamara gucaho,tukarira tukiboroza!!

Ibi nabyo bikwiriye guhinduka!

Reka ninywere agakawa!!

Powerful :
Mu gihe cy'ubuyobozi bwa Omar mwene Al-khatwaab haje abantu batatu bafashe umusore baramubwira bati: "yewe muyobozi w'abemera, turagusaba ko waduhorera kuko uyu musore yishe umubyeyi wacu."

Omar aramubaza ati: "kuki wamwishe?"

Wa musore aravuga ati: "njye ndi umushumba w'ingamiya n'ihene.. Imwe mu ngamiya zanjye yarishije ku giti kiri mu murima w'umubyeyi wabo, ayitera ibuye ihita ipfa, nuko nanjye mfata rya buye ndarimutera arapfa."

Omar aramubwira ati: "bityo ndaguhana."

Wa musore aravuga ati: "ndeka, umpe iminsi itatu, kuko data yarapfuye ansigira umutungo njye na murumuna wanjye ukiri muto, numpa igihano cy'urupfu, umutungo uzatakara kandi murumuna wanjye azagira ibibazo nyuma.

Omar aramubaza ati: "ni nde ukwishingiye?"

Wa musore yitegereza mu buranga bw'abantu bari aho, nuko aravuga ngo ni uyu mugabo.

Nuko Omar abaza Abaa Dharri: "ese wemeye kumwishingira?"

Abaa Dharri aravuga ati: "yego yewe muyobozi w'abemera."

Omar abwira Abaa Dharri ati: "mu by'ukuri uyu musore ntumu*i, naramuka ahunze ni wowe uzahanwa mu mwanya we."

Abaa Dharri arabyemera ati: "njye ndamwishingiye yewe muyobozi w'abemera."

Wa musore afata urugendo; umunsi umwe urahita, uwa kabiri urahita, ku munsi wa gatatu, abantu batangira kugirira impungenge Abaa Dharri ko ashobora gufatirwa ibihano..maze bagiye kubona, mbere y'iswala ya maghrib ho gato, wa musore araza n'impumu nyinshi, yishwe n'umunaniro, ahagarara imbere y'umuyobozi w'abemera Omar mwene Al-khatwaab.

Nuko aravuga ati: "wa mutungo namaze kuwugeza mu maboko ya ba marume kugira ngo bawubikire murumuna wanjye, ubu ndi munsi y'amategeko kugira ngo uncire urubanza."

Omar aratangara, aramubaza ati: "Wagaruwe n'iki kandi wari ufite ubushobozi bwo guhunga?"

Wa musore aravuga ati: "Natinye ko abantu bavuga ko kubahiriza isezerano byarangiye mu bantu."

Maze Omar abaza Abaa Dharri ati: "kuki wamwishingiye kandi utamu*i?"

Abaa Dharri aravuga ati: "natinye ko abantu bavuga ko kugira neza byarangiye mu bantu."

Ba bana biciwe se bibakora ahantu, nuko baravuga bati:"twamaze kumubabarira."

Omar arababaza ati: "kubera iki?"

Baravuga bati: "turatinya ko abantu bavuga ko kubabarira byarangiye mu bantu."

Naho njye mbagejejeho iyi nkuru: "ndatinya ko abantu bazavuga ko guhamagarira abandi gukora ibyiza byarangiye mu bantu!