Penalti

Van Gaal: «Manchester Yunayted»ga hujumchi kerak emas

Shanba kuni mankunyanliklar «Nyukasl Yunayted»ga qarshi o‘yinda gol urishning uddasidan chiqa olishmadi va 0:0 hisobidagi durranga imzo chekishga majbur bo‘ldilar. Biroq, gollandiyalik murabbiyning ta’kidlashicha, uning jamoasi boshqa qo‘shimcha o‘yinchilar muhtoj emas.

«Sky Sports» nashri murabbiydan uning jamoasi transfer oynasida yana mablag‘ sarflaydimi segan savolga «Yo‘q, chunki biz uch marotaba eng zo‘r jamoa bo‘lganmiz,» deb javob berdi.

«Men qayg‘urayotgan narsa shuki, biz o‘yinlarda raqiblarimizdan ustun o‘ynashimiz kerak. Biz bugun bu ishni qildi. Huddi shu ishni «Aston Villa», «Tottenhem» va «Bryugge»ga qarshi o‘yinda ham amalga oshirdik.

«Men o1in natijasidan emas, jamoam o‘yinidan qoniqmoqdaman. Bularning farqi bor.

«O‘yinda golli vaziyatlarni ko‘p yaratib o‘zimizga katta baho berib yubordik va shu tufali omadsizlikka uchradik»

«Ueyn Runi gol urdi, ammo hisobga olinmadi,» deya qo‘shimcha qildi Van Gaal.

«Hisoblanmagan gol shubhali, shubhali vaziyatlarda esa qoidalar shu tarzda ishlaydi.

«Biroq bu futbol va oldin ham bir necha bor ta’kidlaganimdek, bu kabi vaziyatlarda hakamlar va laynsmenlarning ishini osonlashtirish uchun ko‘proq qurilmalar kerak bo‘ladi.»

(Foto: Getty Images)

Vitaliy Denisov jamoasi safarda «Ufa» ustidan ishonchli g‘alabaga erishdi. O‘zbekiston milliy terma jamoasi himoyachisi 86 daqiqa maydonda harakat qildi va Logashovga almashtirildi. Ta’kidlash joyiz, raqib jamoa zaxirasida O‘zbekiston terma jamoasiga boshqa nomzod Vagiz Galiulin ham bor edi, biroq murabbiy uni maydonga tushirishni lozim topmadi.

«Ufa» – «Lokomotiv Moskva» 0:3

Gollar: Nyasse (6) , Kasayev (35) , Peychinovich (80).

Chetltaish: Igbun (58)

«Ufa» (4-2-3-1): Yurchenko, Suxov, Tumasyan, Osipov, Katsalapov (Puriye 48), Zaseyev, Paurevich (Fomin 64), Stotskiy, Marsinyo, Igbun, Xandjich (Zinchenko 47).

«Lokomotiv Moskva» (4-2-3-1): Gilyerme, Denisov (Logashov 86), Peychinovich, Chorluka, Shishkin, Ndinga, Tarasov (Miranchuk 81), Kasayev, Kolomeytsev, Samedov, Nyasse (Maykon 73).

Pedro uchun «Barselona»da matbuot anjumani o‘tkaziladi

Ispaniyalik vinger o‘tgan haftada klubni tark etib «Chelsi»ga yo‘l oldi, lekin «Barselona» klubining ma’lum qilishicha, mazkur holat yuzasidan dushanba kuni «Kamp Nou»da jurnalistlar uchun yig‘in tashkil qilinadi.

Avvallari, Pedro Pep Gvardiola, Tito Vilyanova va Xerardo Martino qo‘l ostida asosiy tarkib o‘yinchisi bo‘lib kelgan. Biroq jamoaga Lusi Enrikening tashrifi va Luis Suarezning ko‘k-anorranglilar tarkibiga kelib qo‘shilishi ortidan Pedro asosiy tarkibdan muntazam ravishda tushib qoldi.

Messi, Neymar, Suarez uchligi o‘tgan mavsum hujum chizig‘ida so‘zsiz birinchi tanlovga aylandi. Va mazkur mavsumda ham ular hujum asosini tashkli etadi. Natijada Pedro jamoani tark etishga majbur bo‘ldi.

Hujumchi «Stemford Bridj»ga uyushtiradigan uzoq sarguzasht safari oldidan dushanba kuni muxlislar bilan xayrlashish marosimi o‘tkaziladi va futbolchi jurnalistlarning savollariga javob beradi.

Klub rasmiy veb-saytida shunday deyilgan:

«Pedro Rodriges 24-avgust, dushanba kuni soat 18:00 da (Toshkent vaqti) matbuot anjumanida ishtirok etadi.

«Manzil: «Ciutat Esportiva Joan Gamper»

«Pedro «Chelsi»ga o‘tishidan avval «Barselona»ning asosiy tarkibida 321ta o‘yin o‘tkazib, 99ta gol urgan»

(Foto: Getty Images)

Slaven Bilich: Xatolar «Vest Xem»ga qimmatga tushdi

Bolg‘achilar ustozi premyer-liga debyutantlaridan qabul qilib olingan 4:3 hisobidagi mag‘lubiyat borasida o‘z fikrlarini bildirib o‘tdi.

««Bornmut»ni tabriklayman. Ular yaxshi o‘ynashdi va g‘alabaga haqli edilar,» dedi Slaven Bilich.

«Har bir gol uchun o‘z raqibinga minnatdorchilik bildirishing kerak va men uchinchi golga o‘z minnatdorchiligimni bildiraman, garchi biz o‘sha vaziyatda ikkita xato qildik.

«Lekigin, birinchi, ikkinchi va to‘rtinchi gollar shunchaki oyoqlarimiz ostida edi, to‘p bizniki edi. Bu gollar burchak to‘pidan so‘ng, yoki ortiqcha harakatlardan so‘ng urilmadi.

«Agar sen o‘z darvozang oldida bu kabi individual xatolar qiladigan bo‘lsang, mag‘lubiyatdan boshqa natijadan umid qilib bo‘lmaydi. Qachonki raqibing sendan ko‘proq xato qilsagina boshqa natijadan umid qilsa bo‘ladi.

«Ammo biz bu kabi xatolarsiz kuchli bo‘la olmaymiz. Uchrashuv boshidagi jamoaviy o‘yinda oqsashimiz tufayli chiqazgan yagona xulosamiz shu.

«Ular ilk daqiqalardanoq eng asosiy vazifalarni bizdan ko‘ra yaxshiroq bajarishdi. Ular bizni ta’qib qilishdi, bizni bosim ostiga olishdi va ular ikkinchi to‘plarga uchun bizdan ko‘ra chaqqonroq harakat qilishdi.»

(Foto: Getty Images)