Ahyaa Pest Control

याद रखना वो दिन दुर नहि !!

कतार घट्नाले नेपाली कामदार पनि मारमा

कतारले आतंकवादलाई समर्थन गरेको भन्दै साउदी अरेबिया, बहराइन, युएई र इजिप्टले कतारसँगको कुटनीतिक सम्बन्ध अन्त्य गरेका छन् ।

कतारमा नेपाली कामदार । तस्वीरः पतवी रमन
कुटनीतिक सम्बन्ध अन्त्यको घोषणाले मध्यपूर्वको भू–राजनीतिमा नयाँ घटनाक्रमको विकास भएको छ । छिमेकी मुलुकले कुटनीतिक सम्बन्ध तोडेपछि कतारमा यसको निकै ठुलो प्रभाव पर्नेछ ।

२२ जेठ बिहान साउदी अरेबियाले विज्ञप्ति जारी गर्दै दुई देशबीच आवत जावतका निम्तिसमेत सबै प्रकारको बाटो बन्द गरेको घोषणा गरेका हो । कुटनीतिक सम्बन्धको अन्त्यसँगै साउदी अरेवियाको ‘इतिहाद एयरवेज’ र दुबईको ‘फ्लाई इमिरेट्स’ले दोहाको उडान रद्ध गरेका छन् । सस्तो उडान भर्ने ‘फ्लाई दुबई’ले कतार भएर कुनै पनि उडान नगर्ने निर्णय गरेको छ ।
अहिले ६ लाख बढी नेपाली कामदार कतारमा कार्यरत छन् । यसको प्रत्यक्ष असर नेपाली कामदारलाई पनि पर्नेछ । नेपाल वैदेशिक रोजगार व्यवसायी सङ्घका अध्यक्ष बिमल ढकाल भन्छिन्– “अब नेपाली कामदारका लागि कतार उडान गर्न निकै कम विकल्पहरू छन् । जसले गर्दा महङ्गो मूल्यमा टिकन किन्न बाध्य हुनुपर्नेछ ।”

साउदी अरेविया, युएई, बहराइन, ओमन र कतारको ‘गल्फ को–अपरेशन काउन्सिल’ नामक क्षेत्रीय सङ्गठन छ जुन मध्यपूर्वमा राजनीतिक प्रभाव कायम गर्दै आइरहेको थियो ।
छिमेकीसँगको सम्बन्ध विच्छेदले कतारलाई खाद्यान्न समस्या पर्ने देखिन्छ । कतारलाई चाहिने ४० प्रतिशत खाद्यान्न साउदी अरेबियाको एक सीमाबाट आउँछ ।
कुटनीतिक सम्बन्ध विच्छेदको असर कतारको विकास निर्माणमा पनि पर्नेछ । कतारले हाल बन्दरगाह, अस्पताल, मेट्रो रेल र सन् २०२२ को विश्वकपका लागि ८ वटा रङ्गशाला निर्माण गर्दैछ ।

online खबर