Nutripedia1

أحكيلكم سر ماشاركته معكم من قبل 🥰❤️

موقع الصفحة العلمي (نوترِبيديا) يلي الرابط تبعه بتلاقوه بالبيو، هاد الموقع عملته من الألف إلى الياء❤️

حشارك معكم هي القصة وكيف عملته بناء على أسئلة وصلتني منكم (أي شركة عملتلك ياه، شلون ساويتيه و كم كلّف)

من سنة تقريباً كنت حاطة الي ٣ أهداف أعملهم بيتعلقوا بنوتربيديا، و إطلاق موقع علمي كان واحد من الأهداف بعيدة الأمد (بحيث يكون بعد 5 سنين جاهز)

بعدين صرت فكر، انه ليش انا أجلته كل هالقد؟
مقالاتي جاهزة، وتصميم الموقع يلي بمخيلتي كمان كنت راسمته وجاهز، فماعندي سبب ضل أجل!

أما الفريق فهو بتكون شوي شوي مع الوقت، أما بالبداية مو لازم يكون عندي فريق حتى أطلقه..

و فعلاً اخدت دورة تصميم مواقع اونلاين، واستعنت ببعض الأدوات يلي اصلا موجودة عالنت فبصير تصميم الموقع أسهل شوي، وعملته الحمدلله 🥰

اخد معي تقريبا ٣ أشهر، وماكنت حابة حدا تاني يصممه غيري، من قلبي كان انا بدي اعمله!

بالمستقبل اكيد حيتجدد وكل شي ان شاء الله

بس حضل اتذكر دائماً انه اول نسخة من الموقع الله اكرمني اعملها.. لانه كنت حابة حس بهاد الشعور

بدي ياكم تتصفحوا الموقع وتشتركوا فيه 😍 الموقع فيه مقالات من كتابتي انا ووالدي عن التغذية وجسم الإنسان!

الاشتراك مجاني❤️ ماعليكم غير تحطوا الاسم والإيميل، و اكيد عطوني رأيكم ويلي بيسجل أو سجل من قبل يحكيلي ويشجعني ضل مكملة فيه 🥰

و اي حدا حابب يعرف تفاصيل اكتر، وحابب هو كمان يعمل هيك خطوة إيجابية، انا موجودة وحجاوب على أي سؤال حابب يعرفه ان شاء الله❤️

كتير بنبسط بكل مرة بعمل ڤيديو أو مقالة فيها معلومة جديدة للناس، وشعور الصدمة يلي بيجي للبعض كمان بحبه هههه 🥰 وبحفزني دائماً ضل قدم كل شي جديد ومهم✨

بس كمان اكتشفت إني بنبسط أكتر بس نفتح أنا وأخصائية تغذية أو طالبة حديث على الخاص، ونحكي فيه بالساعات عن آخر موضوع نشرناه على صفحاتنا، أو عن المشاكل يلي أوقات بتواجهنا كأخصائيات تغذية على السوشال ميديا..

كتير حابة أعرف كم أخصائية تغذية بتعرف نوتربيديا؟ 🥺💕

#معلومات #تغذية #حقائق

هذا المنشور تعقيباً على النقاش يلي فتحناه على الستوري مع أخصائيات التغذية والمراجعين 😊
وحبيت أعمله على شكل نصيحة لجميع طلاب التغذية❤️

أخصائية التغذية لها عدة أدوار، وتحديد أنواع طعام معينة فقط ليلتزم بها المراجع/المريض، بالتأكيد ليست إحدى هذه الأدوار!

الدور الأساسي بعد التشخيص وفهم الحالة الغذائية، هي تدخل غذائي بخطة دقيقة تعكس مايحبه المراجع، بمعنى مساعدة المراجع على تحويل طعامه المفضل إلى طعام صحي يلائمه ويلائم حالته الطبية!

عندكم أي تعقيب على كلامي؟😊