Ad-DUHA

♦️ Fitnə, özündən əvvəlkini yumşaldır!

✍️ Abdullah ibn Amru ibn As radiyallahu ənhu rəvayət edir ki, Allah rəsulu Sallallahu aleyhi və səlləm belə demişdir:

"Fitnələr gələcək və biri o birisini yumşaldacaq! Bir fitnə gələcək və mömin bəndə deyəcək ki, bu fitnə mənim həlakımdır! Sonra həmin fitnə çəkiləcək! Sonra başqa bir fitnə gələcək və mömin deyəcək budur budur....! Sizdən kimsə cəhənnəmdən qurtulub, cənnətə daxil olmaq istəyirsə, ölümü gəldiyində, o, Allaha və axirət gününə iman etmiş olsun! İnsanların onunla necə davrandığını istəyirsə, o da insanarla o cür davransın!"

📚 Səhih Müslim, 1844

📌 Qısa şərh: Hədis onu göstərir ki, bir fitnə gəldiyi zaman, özündən sonra gələn fitnəni yumşaldır! Mömin elə bilir ki, bu fitnə daha şiddətlidir və o, bu fitnədə həlak olacaq. Amma sonra bu fitnə çəkilib gedir və yeni fitnə gəldiyi zaman, mömin əvvəlki fitnənin bundan daha yüngül fitnə olduğunu bilir! Həmçinin hədis onu bildirir ki, fitnələr çoxaldıqca insan, saleh əməllərini artırmalı və insanlarla gözəl şəkildə davranmalıdır! İnsan fitnələr vaxtı imanını qorumağa çalışmalıdır ki, öldüyü zaman Allaha və axirət gününı iman etmiş halda ölsün!

_Əbu Hureyra (radiyallahu anhu) rəvayət edir ki, Allah Rəsulu (sallallahu aleyhi və səlləm) belə buyurdu:_

“Zənnə qapanmaqdan çəkinin! Həqiqətən, zənn ən yalan sözdür. Bir-birinizin eybini axtarmayın, cəsusluq etməyin, bir-birinizlə rəqabət aparmayın, bir-birinizə həsəd aparmayın, bir-birinizə nifrət etməyin, bir-birinizə arxa çevirməyin. Ey Allahın qulları, qardaş olun!”

💲💸DAĞLAR QƏDƏR BORCU OLAN BELƏ BU DUANI ETSƏ, ALLAH ONUN BORCUNU ÖDƏYƏR

اللَّهمَّ اكْفِني بحلالِكَ عَن حَرَامِكَ، وَاغْنِني بِفَضلِكَ عَمَّن سِوَاكَ

[Allahumməkfini bi hələəlikə 'ən həraamikə va əğnini bi fədlikə 'əmmən sivəək]

"Allahım! Məni Öz halalınla kifayətləndirib, haramına möhtac etmə! Məni Öz lütfünlə Özündən başqasına möhtac etmə!"

📚 (Şeyx Albani "əs-Silsilətus Sahihəh", 266)