Aglaf-Aite for Innovative Packaging

معمول العيد بطحين الشوفان 🥐
الطعم ولا غلطة 😍 وأزكى وأخف بكتير من المعمول العادي.

المكونات والطريقة:

٣ كوب طحين شوفان من شركة أغلافايت

نصف كوب سكر بودرة أو ممكن أقل

ملعقة صغيرة مستكة ومحلب مطحون

نصف ملعقة صغيرة بيكنج باودر

علبة قيمر

١٠٠ غم سمنة + ٥٠ غم زبدة بحرارة الغرفة

ملعقتين كبار ماء زهر

بخلط كل المكونات مع بعض وبعجنهم بدون مبالغة زي ما واضح بالفيديو وببلش أشتغل فيهم فورًا.

حشيتهم بعجوة تمر ضفت عليها زيت نباتي، قرفة، هال، زنجبيل بودرة ودقة كعك (مطحون).

شكلتهم بالقالب دخلتهم على فرن محمى مسبقًا على حرارة ٢٠٠ من ٩–١٠ دقائق.

وصحة وهنا! 😍

بنفع رمضان بدون قطايف؟؟👀أكيد لا، بس هالمرة
بطحين الشوفان!

فكرة القطايف بطحين الشوفان ممتازة وناجحة جدًا ومافي فرق بينها وبين القطايف العادي! 😍

المكونات والطريقة:
المكونات والطريقة:
- ١ كوب ونصف طحين الشوفان من شركة أغلفايت ‪‬
- ١ كوب ونصف سميد
- ٢ م ك سكر
- ١ م ك بيكنج باودر
- ٢ م ك حليب بودرة
- م ص ڤانيليا
- رشة ملح
- ٣ ونصف كوب ماء فاتر
بخلط جميع المكونات مع بعض بعدها بضيف ٣ كوب ماء وبحرك وبضيف باقي الكمية بشكل تدريجي لنوصل للقوام المطلوب
بغطيها من نص ساعة لساعة ترتاح قبل الإستخدام
عند الاستخدام بحركها لو كان القوام سميك برجع بضيف شوية مي، وعلى نار حامية بضيف كمية من الخليط زي ماواضح بالفيديو مجرد ماظهرت كل الفقاعات ونشف الوجه بتصير الحبة جاهزة! لازم بعد كل حبة نلفهم بقطعة قماش حتى ماينشفو ويضلو طريين وهيك بصير عنا أزكى قطايف.