Mohammad Rimawi

كيف تبيع عقارك بسعر أعلى من السوق ؟

1- انطباع خارجي قوي: نافورة، دهان نظيف وتصميم جميل ومدخل مضاء.
2- تشجير ذكي: نباتات منخفضة الصيانة وموسمية.
3- صيانة كاملة: سباكة، كهرباء وتنظيف.
4- جودة التفاصيل: تشطيب داخلي على يعتمد على التقليد بل على التميز.
5- تهيئة داخلية بسيطة (Staging) لعرض المساحات.
6- الإهتمام بتوجيه المبنى لإضاءة أفضل و تهوية أفضل.
7- تسويق ذكي وعرض فيديو احترافي للمشروع + جولة 360° ( لبناء صورة أفضل ).
8- مستندات صيانة وضمانات جاهزة وطويلة قدر الإمكان ( أمان و ثقة أكبر ).
9- إبراز فوائد: الخصوصية، كفاءة الطاقة، القيمة الإستثمارية.
10- عرض حزمة خدمات مع بعد البيع ( تأجير أو بيع ) للمستثمرين .

النصّاب والطماع !

📞 بيوم من الأيام…
بيرنّ جوالي وكان على الطرف الثاني ع.ح صوته واثق وكلامه مرتّب. بحكيلي:
"حابب أقعد معك… في فرصة استثمار نار 🔥 وربحها مضمون 100%".
قلتله: "تمام… خلينا نشوف".

اتفقنا والتقينا، وأول ما قعدنا بلّش يحكيلي :
"بدي منك 30 ألف دينار… وبعد شهر برجعلك إيّاهم 45 ألف!" 💸

يعني 15 ألف ربح وانت نايم! فسألته:
"طيب… وين الاستثمار؟ شو المشروع؟"
ابتسم بثقة وقال:
"الأراضي ما بحكيلك عنها عشان ما يخرب شغلي…

طيب سئلته وشو الضمان ؟!
وهون الصدمة .. وقف ودق على صدره واحكالي .. الضمان عندي!" 👊

بهاي اللحظة… فهمت إني قاعد قدام نصبة مرتبة ملفوفة بثقة وهمية.
وما مرّ وقت طويل حتى بلّشت أسمع القصص المؤلمة :

ناس رهنت محلاتها 🏪 وخسرتهم !

ناس أخذت قروض من البنوك 🏦 وأكلت هوا !

وشب باع ذهب مرته عشان يلحق الحلم 💍 .. ووصلو للطلاق !

النتيجة؟
ملايين الشواقل راحت… وانكشفت اللعبة:
مخطط بونزي محترف… بلون الاستثمار العقاري.

الخلاصة!

🚫 ما في إشي اسمه "الضمان عندي" بأي استثمار.
✔️ الاستثمار الصح لازم يكون واضح وبضمانات حقيقية.
🌍 وأفضل استثمار بالدنيا هو الأرض… بس مع ناس فاهمة وبطرق قانونية واضحة.

وإذا عندك تجربة أو قصة عقارية – سواء كانت إيجابية أو سلبية – تواصل معي …
لأنو السوق مليان قصص ولازم نسمعها ونستفيد منها كلنا.