I M R A N / Alee

امریکی صدر ڈونلڈ ٹرمپ کے متنازع بیان پر ردعمل

امریکی صدر ڈونلڈ ٹرمپ کی جانب سے سعودی ولی عہد محمد بن سلمان کے بارے میں دیا گیا بیان افسوسناک اور قابل مذمت ہے۔

یہ بیان نہ صرف سفارتی آداب کے منافی ہے بلکہ انتہائی غیر ذمہ دارانہ اور اشتعال انگیز ہے۔ موجودہ عالمی حالات میں محمد بن سلمان نے جس دانشمندی، بصیرت اور دوراندیشی کا مظاہرہ کیا ہے وہ قابل تحسین ہے۔ ان کے اقدامات سے یہ واضح ہوتا ہے کہ وہ امریکہ اور صہیونی جنگ میں شریک ہونے سے نہ صرف یہ خود گریزاں ہیں بلکہ پورے عالم اسلام کے لیے خودمختار پالیسیاں اختیار کرنے کا عزم رکھتے ہیں۔

ٹرمپ کے بیان سے اندازہ ہوتا ہے کہ محمد بن سلمان امریکی اور صہیونی عزائم کی راہ میں رکاوٹ بن رہے ہیں۔ ٹرمپ کا حالیہ بیان اسی جھنجھلاہٹ کا اظہار ہے۔

سعودی عرب کی جانب سے پاکستان کے ساتھ دفاعی تعاون اور دیگر اہم اقدامات امت مسلمہ کے باہمی اتحاد اور خودمختاری کی طرف پیش رفت ہے۔ تمام اسلامی ممالک خصوصاً پاکستان کو چاہیے کہ وہ سعودی عرب کے ساتھ مل کر تعاون کریں اور امت مسلمہ کے اتحاد و استحکام اور خودمختاری کے لیے مشترکہ جدوجہد جاری رکھیں۔

حضرت مولانا محمد حنیف جالندھری