All Pakistan Labour Federation - APLF

ریلٹی اینڈ ایکسائز مائنز ریسکیو یونین حب کے وفد کی آل پاکستان لیبر فیڈریشن کے مرکزی آفس آمد
ریلٹی اینڈ ایکسائز مائنز ریسکیو یونین حب کا ایک وفد، جس میں یونین کے صدر محمد ایوب، جنرل سیکرٹری محمد اسلم قلندرانی اور نائب صدر محمد شفیع گرگناڑی شامل تھے، نے آل پاکستان لیبر فیڈریشن کے مرکزی آفس کا دورہ کیا۔ اس موقع پر وفد نے آل پاکستان لیبر فیڈریشن کے سربراہ لالہ سلطان خان سے ملاقات کی اور انہیں مزدوروں کو درپیش مسائل، بالخصوص کم از کم اجرت (Minimum Wage) کے نفاذ میں مشکلات اور دیگر محنت کشوں کے حقوق سے متعلق امور سے آگاہ کیا۔
لالہ سلطان خان نے وفد کے مسائل کو غور سے سنا اور انہیں یقین دہانی کرائی کہ آل پاکستان لیبر فیڈریشن مزدوروں کے جائز حقوق کے تحفظ کے لیے اپنی جدوجہد جاری رکھے گی۔ انہوں نے اس عزم کا اظہار کیا کہ مزدوروں کی کم از کم اجرت اور دیگر مراعات کی فراہمی کو یقینی بنانے کے لیے متعلقہ حکام کے ساتھ ہر سطح پر بھرپور انداز میں بات کی جائے گی۔

ایگریکلچر ایمپلائز یونین کے ایک وفد نے صوبائی صدر عبدالغفار جمالی کی قیادت میں کوآپریٹو ڈیپارٹمنٹ کا دورہ کیا اور ڈپٹی رجسٹرار سے ملاقات کی۔ وفد میں سینئر نائب صدر شاہنواز زیری، جوائنٹ سیکرٹری نیاز موٹ رانی، باغ زون کے صدر اعجاز مینگل اور آفس سیکرٹری لطیف بلوچ بھی شامل تھے۔

ملاقات کے دوران ملازمین کو درپیش مسائل، سروس رولز، پروموشن اور دیگر اہم امور پر تفصیلی اور مثبت گفتگو ہوئی۔ یونین رہنماؤں نے کوآپریٹو ڈیپارٹمنٹ کے ملازمین کو ہر ممکن تعاون کی یقین دہانی کرائی اور کہا کہ ایگریکلچر ایمپلائز یونین ملازمین کے جائز حقوق کے حصول کے لیے ہر سطح پر اپنا کردار ادا کرتی رہے گی۔

اس موقع پر صوبائی صدر عبدالغفار جمالی نے سروس رولز کے حوالے سے کمیٹی کے قیام کو یونین کی اہم کامیابی قرار دیتے ہوئے کہا کہ مستقبل میں بھی یونین کوآپریٹو ڈیپارٹمنٹ کے ملازمین کے مسائل کے حل اور ان کے حقوق کے تحفظ کے لیے بھرپور تعاون جاری رکھے گی