Allamdar Academy

"جشنِ عیدِ غدیر گلستانِ پنجتن میں جاوید برادران کی جانب سے نہایت عقیدت و احترام کے ساتھ منعقد کیا گیا۔ اس بابرکت محفل میں علمدار اکیڈمی کے ثناء خوانوں نے بھی بھرپور شرکت کرکے بارگاہِ اہلِ بیتؑ میں نذرانۂ عقیدت پیش کیا۔ محفل کا ماحول عشقِ مولا علیؑ اور ذکرِ اہلِ بیتؑ سے معطر رہا۔ اللہ تعالیٰ بحقِ محمد و آلِ محمدؐ جاوید برادران اور تمام منتظمین و شرکائے محفل کو اپنی خاص رحمتوں سے نوازے، ان کی دینی و سماجی خدمات کو شرفِ قبولیت عطا فرمائے، اور مولا علیؑ کے صدقے ان کی توفیقات، رزق، عزت اور کامیابیوں میں روز افزوں اضافہ فرمائے۔ آمین یا رب العالمین۔"

"شامِ غریباں سحر ندارد، آہِ یتیماں اثر ندارد"
علمدار اکیڈمی کے سینئر نوحہ خواں جناب سجاد علی اور جناب مہدی سلطانی کی جانب سے پیش کیا جانے والا یہ پُرسوز نوحہ ایک مومنِ محترم کی سرپرستی میں تیار کیا گیا ہے۔ یہ نوحہ سات سال قبل امام بارگاہ ناصر آباد کے معروف نوحہ خواں استاد رمضان علی حیدری نے پڑھا تھا۔
اس نوحے کی بندش جناب سید حسین نے ترتیب دی ہے جبکہ اس کا کلام مرحوم عباس علی عاجزؔ کا ہے۔
مولا کریم اس خدمتِ عزاداری میں شامل تمام افراد کی کاوشوں کو اپنی بارگاہ میں شرفِ قبولیت عطا فرمائے۔
یہ نوحہ جلد علمدار اکیڈمی کے آفیشل یوٹیوب چینل پر اپ لوڈ کیا جائے گا۔