Quetta News

Quetta News

*60 سال کی عمر کو پہنچنے والے فیڈرل لیویز اہلکاروں کو پنشن بند، متاثرین کا احتجاج۔*

*کوئٹہ فیڈرل لیویز کو بلوچستان لیویز میں ضم کرکے 60 سال کی عمر کے ملازمین کو فارغ کرکے انہیں پنشن کی ادائیگی نہ کرنے کیخلاف بلوچستان بھر سے سینکڑوں لیویز ملازمین نے سوموار کو کوئٹہ میں میٹرو پولیٹن کارپوریشن کے سبزہ زار پر احتجاجی مظاہرہ کیا۔ مظاہرین کا کہنا تھا کہ حکومت نے فیڈرل لیویز کے سینکڑوں ملازمین کو بلوچستان لیویز میں ضم کردیا ہے اور حکومت کی جانب سے 60 سال کی عمر کو پہنچنے والے فیڈرل لیویز کے اہلکاروں کو پنشن بند کردی ہے۔ اس کے علاوہ پہلے فیڈرل لیویز کے ملازمین کو جب وہ ضعیف العمر ہوجاتے تھے تو ان کے بیٹے کو ملازمت دی جاتی تھی اور وہ سلسلہ بھی ختم کردیا ہے حالانکہ ہماری تخریب کاری کے واقعات کے تدارک میں قربانیاں ہیں اور ہمیں یک قلم جنبش دیوار کے ساتھ لگانے کی کوشش کی جارہی ہے جس کی ہم مذمت کرتے ہیں حکومت اس مسئلے کے حل پر توجہ دیں اور ہمارے معاملے کو سنجیدگی کے ساتھ حل کرنے کیلئے کردار ادا کریں بصورت دیگر ہم صوبہ بھر میں سڑکوں پر نکل کر سراپا احتجاج ہوں گے جس سے حالات کی تمام تر ذمہ داری متعلقہ حکام پر عائد ہوگی۔ مظاہرین اپنے مطالبات کے حق میں پر نعرہ بازی کرتے ہوئے پر امن طور پر منتشر ہوگئے۔*
Quetta News

*ایک دن میں گندم کی فی من قیمت میں 1200 روپے کمی*
اسلام آباد--ایک دن میں گندم کی فی من قیمت میں 1200 روپے کمی ریکار ڈ کی گئی ہے ۔ تفصیلات کے مطابق روس اور یوکرین سے گندم کے بحری جہاز پاکستان پہنچنے اور سرکاری کوٹے میں اضافے کے بعد پنجاب میں نجی گندم مارکیٹ کریش کر گئی ،گندم کی فی من قیمت میں 1200روپے تک کی کمی دیکھی گئی ہے ۔میڈیا رپورٹس کے مطابق گندم کی فی من قیمت میں 1200 روپے کمی دیکھی گئی ہے ۔جس سے 5400 والی گندم کھلی منڈی میں 4200 روپے من پر آگئی ہے،آٹا ،میدہ ،فائن کی قیمتوں میں بھی واضح کمی کا امکان ہے جب کہ چکی آٹا بھی 15 سے 20 روپے فی کلو کم ہونے کا امکان ہے، سیکرٹری خوراک کہا کہنا ہے کہ آج صوبے میں آٹا ذخیرہ اندازوں کے خلاف کریک ڈاؤن ہو گا، کسی کو قیمت بڑھانے یا قلت نہیں کرنے دیں گے، آٹے کی قیمتوں میں کمی کےلیے بڑا آپریشن کرنا ہو گا۔دوسری جانب ڈپٹی کمشنر اسلام آباد عرفان نواز میمن کی ہدایت پر گزشتہ روز دس کلو آٹے کا تھیلا گورنمنٹ کی مقرر کردہ قیمت چھ سو اڑتالیس روپے میں اسلام آباد کے مختلف سینتالیس (47) پوائنٹس پر دستیاب ہیں، ڈپٹی کمشنر اسلام آباد عرفان میمن کی طرف سے جاری کردہ ایک بیان میں انہوں نے بتایا کہ سٹی سب ڈویژن میں اسسٹنٹ کمشنر سٹی کے زیرِ نگرانی ایف سیون (کوہسار پولیس اسٹیشن کے سامنے) ، جی سکس ون (نزد ہاکی گراؤنڈ آبپارہ مارکیٹ) اور جی سیون (ستارہ مارکیٹ جی سیون مرکز) میں موجود ہیں ، سٹی سب ڈویژن کے ہر پوائنٹ پر آٹے کے نو سو تھیلے موجود ہیں، جہاں سے لوگ باآسانی دس کلو آٹے کا تھیلا چھ سو اڑتالیس روپے میں خرید سکتے ہیں ، مزید برآں ہر شخص کو صرف ایک آٹے کا تھیلہ خریدنے کی اجازت ہے، اس کے علاوہ گورنمنٹ کی ہدایت پر عوام کی سہولت کے لئے مختلف دکانوں پر بھی گورنمنٹ کی طرف سے مقرر کردہ قیمت پر آٹا دستیاب ہو گا۔
Quetta News

*کوئٹہ گیس لیکج کے باعث شفیع کالونی سریاب روڈ گھر میں دھماکہ تنویر شاہوانی شدید زخمی ہوگئے جنہیں طبی امداد کے لئے سول ہسپتال منتقل کر دیا گیا ہے۔۔۔۔واقع گیس لیکج کی وجہ سے پیش آیا ڈاکٹروں کے مطابق زخمی ہونے والے تنویر شاہوانی کا جسم ،70 فیصد جھلس چکا ہے*
Quetta News