Hafiz Muhammad Talha

( ایک خط میرے پیارے الله کے نام)

میرے پیارے اللہ آپ کو تو میں یہ بھی نہیں لکھ سکتا کہ
کیسے ہیں؟
خیریت سے ہیں ؟
کیونکہ بس آپ ہی تو ہیں اور کچھ بھی نہیں ہے۔۔۔
میرے پیارے اللہ!
اس خط کو لکھتے ہوئے میں سوچ رہا تھا کہ خط کو کونسے ڈاک میں ڈالوں کہ آپ تک پہنچے پھر مجھے احساس ہوا وہ ڈاک تو دل ہے، جہاں سے ہر کسی کے خط آپ تک پہنچتے ہیں...🌟 یا اللہ میں اس خط میں آخر کیا کیا لکھ پاؤں گا، نا یہ کاغذ اتنا بڑا ہو سکتا ہے نہ میرے ہاتھوں میں اتنی جان ہے جو میں اپنی تمام شکایتیں ، باتیں، چاہتیں، آرزوئیں، دعائیں اور قصے لکھ سکوں... بس آپ میری حالت جان لیں کہ اب میں دنیا سے تھک چکا اب میں سہہ چکا جتنا سہہ سکتا تھا، میں اب آپ سے ملاقات کا منتظر ہوں۔ یا اللہ مجھے اپنی اطاعت کی توفیق دے۔۔۔✨
مجھے اپنی محبت میں چور کردے ، مجھے اپنا بندہ خاص کر تاکہ جب میں آپ کے روبرو ہوں تو مجھے شرمندگی نا ہو، مجھے اپنے پاس کر دیں، اتنا کہ گہرے سیاہیوں میں آپ کو محسوس کر سکوں...💫
یا اللہ میرے قلب کو عشق حقیقی سے منور کر ، مجھے دنیا کی رنگوں سے آزاد کر، یا اللہ ابھی میرا دل نہیں بھرا ابھی میں نے اور کئی باتیں کرنی ہیں۔۔۔ لیکن میں جانتا ہوں میں اپنے دل کی ہر بات لفظوں میں ہر گز نا کہہ سکوں گا اور آپ تو دلوں کے مالک ہیں تو یا الله بن کہے بھی مجھے سن لیں، آپ نا سنیں گے تو کون سنے گا۔۔۔؟

از قلم
حافظ محمد طلحہ