South Today

2 نئی تحقیقی رپورٹس میں اسمارٹ فونز کے استعمال کا حیرت انگیز اثر سامنے آیا ہے۔
امریکا کے نیشنل بیورو آف اکنامکس ریسرچ کی تحقیق میں بتایا گیا کہ 2007 سے اب تک امریکا میں بچوں کی پیدائش کی شرح میں 22 فیصد کمی آئی ہے۔ 2007 وہ برس تھا جب پہلا آئی فون متعارف کرایا گیا اور تحقیق میں آئی فون یا اسمارٹ فونز کو برتھ کنٹرول (شرح پیدائش میں کمی کے لیے استعمال ہونے والی مصنوعات) قرار دیا گیا۔
محققین کے مطابق محض آئی فونز کو ہی واحد وجہ نہیں قرار دیا جاسکتا مگر یہ واضح ہے کہ 2007 میں اسمارٹ فونز کی آمد کے بعد سے امریکا میں بچوں کی پیدائش کی شرح میں کمی آئی ہے کیونکہ سماجی میل جول گھٹ گیا ہے۔
امریکا کی Cincinnati یونیورسٹی کی ایک اور تحقیق میں بھی عالمی سطح پر اس سے ملتے جلتے اثر کو دریافت کیا گیا۔ تحقیق میں دریافت کیا گیا کہ جب اسمارٹ فونز بڑے پیمانے پر دستیاب ہوئے تو شرح پیدائش میں نمایاں کمی دیکھنے میں آئی ہے۔
محققین نے اسے مشترکہ عالمی ٹیکنالوجی شاک قرار دیا۔