Ch Jami Raza

سنگ ہر شخص نے ہاتھوں میں اٹھا رکھا ہے
🙄 🤑

یہ ہیں ہمارے ادارے اور ان سے نکلنے والے سٹار 😭
آج چوک سرور شہید کی سڑکیں اور بازار ایسے مناظر پیش کر رہے ہیں جو انتہائی افسوسناک اور شرمناک ہیں۔ ایک نجی کالج کے آخری دن طلبہ نے اپنے پرچے پھاڑ کر پورے شہر میں بکھیر دیے۔ سڑکیں، چوراہے اور بازار چھوٹے چھوٹے کاغذوں سے اَٹ گئے، جس نے نہ صرف شہر کی خوبصورتی کو تباہ کیا بلکہ معاشرتی بدتہذیبی کی ایک جھلک بھی پیش کی۔

اس افسوسناک واقعے نے کئی سوالات کو جنم دیا ہے۔ اس کا پہلا اور اہم ترین پہلو طلبہ کی تربیت سے جڑا ہے۔ ایک طالب علم جسے علم کا متلاشی اور تہذیب و اخلاق کا نمونہ ہونا چاہیے، اگر ایسا طرزِ عمل اختیار کرے تو یہ اس کی بنیادی تربیت میں کمی کو ظاہر کرتا ہے۔ افسوس کی بات یہ ہے کہ یہ طلبہ، جو مستقبل کے معمار سمجھے جاتے ہیں، غیر ذمہ داری، لاپرواہی اور بد تہذیبی کا مظاہرہ کر رہے ہیں۔

دوسری جانب تعلیمی اداروں کی ذمہ داری بھی سوالیہ نشان بن جاتی ہے۔ کسی بھی تعلیمی ادارے کا مقصد محض نصاب مکمل کرانا نہیں بلکہ طلبہ کی کردار سازی اور اخلاقی تربیت بھی ہوتا ہے۔ اگر ادارے اس پہلو کو نظر انداز کر دیں تو پھر نتائج ایسے ہی افسوسناک نکلتے ہیں