Bolt Information

Oldehove
اولڈ ہوو نیدر لینڈ کے علاقے لیووارڈن کا تاریخی مرکز اور سب سے نمایاں عمارت ہے، سال 1533 میں اس کی تعمیر نامکمل چھوڑی گئی اور یہ اس وقت سے ہی ایک جانب جھکی ہوئی ہے- یہ ٹاور 39 میٹر بلند ہے جبکہ اس میں 183 سیڑھیاں بھی تعمیر کی گئی ہیں-

Leaning tower of Nevyansk
18 ویں صدی میں Demidovs صنعت کاروں پر مشتمل ایک طاقتور روسی خاندان تھا اور انہوں نے ہی روس کے قصبے نیوناسک میں یہ ٹاور تعمیر کروایا تھا- اس عمارت میں اصل میں مختلف دفاتر تھے اور سوویت دور میں اسے جیل کے طور پر استعمال کیا جاتا تھا۔ مقامی افراد کے مطابق اس عمارت کا ڈیزان جان بوجھ کر ہی ایسا تیار کیا گیا تھا-

Capital Gate tower
یہ ابو ظہبی کی بلند ترین عمارات میں سے سب سے قابلِ ذکر عمارت ہے جو ڈیزائن ہی ایسے کی گئی ہے کہ یہ ایک جانب جھکی ہوئی ہے- یہ ٹاور مغرب کی جانب 18 ڈگری تک جھکا ہوا اور کسی انسان کی جانب سے تعمیر کردہ سب سے زیادہ جھکی ہوئی عمارت کے طور پر گنیز بک آف ورلڈ ریکارڈ میں بھی درج ہے- 160 میٹر بلند اس ٹاور میں ابو ظہبی لگژری ہوٹل قائم ہے-

اب پیسا ٹاور کو بھول جائیے - دنیا کی حیرت انگیز عمارات جو ایک جانب جھکی ہوئی ہیں

اٹلی کا پیسا ٹاور دنیا کی سب سے مشہور جھکاؤ والی عمارت ہے، لیکن اب اس کو بھول جائیے کیونکہ دنیا میں ایسی اور بھی بہت سی دوسری حیرت انگیز مثالیں ہیں جو سیدھی نہیں کھڑی ہیں، چاہے ان عمارات کو ڈیزائن ہی اس انداز میں کیا گیا ہے یا پھر ان کے ساتھ کوئی حادثہ پیش آیا ہے۔ یہاں ہم ایسی ہی کچھ غیر معروف عمارات پر نظر ڈالیں گے جو ایک جانب جھکی ہوئی ہیں-