Multan Food diaries

(Gajrela / Gajar ka Halwa Doodh Wala)
🥕 گجریلا بنانے کے اجزاء

گاجر کدوکش کی ہوئی: 1 کلو

دودھ: 1 لیٹر

چاول (بغیر بھیگے ہوئے): ¼ کپ

چینی: 1 کپ (حسبِ ذائقہ کم یا زیادہ)

الائچی پاوڈر: ½ چائے کا چمچ

گھی: 2 کھانے کے چمچ

بادام، پستہ، کاجو (کٹے ہوئے): حسبِ ضرورت

کنڈینسڈ ملک (اختیاری): ½ کپ

خشخاش یا ناریل (اختیاری): 1 کھانے کا چمچ

👩‍🍳 ترکیب:
یہ ریسیپی ( دیسی ہاٹ پاٹ)یوٹیوب/ فیس بُک چینل کی ہے
1. ایک بڑے پتیلے میں دودھ کو گرم کریں۔

2. اس میں چاول ڈال کر درمیانی آنچ پر پکنے دیں، یہاں تک کہ چاول نرم ہوجائیں۔

3. اب کدوکش کی ہوئی گاجر شامل کریں اور اچھی طرح مکس کریں۔

4. درمیانی آنچ پر پکائیں جب تک دودھ آدھا رہ جائے اور گاجر نرم ہوجائے۔

5. اب چینی شامل کریں، چینی ڈالنے کے بعد پانی نکلے گا، اسے بھونتے رہیں یہاں تک کہ دودھ خشک ہوجائے۔

6. گھی اور الائچی پاوڈر شامل کر کے مزید 5-10 منٹ بھونیں تاکہ خوشبو آجائے۔

7. آخر میں کنڈینسڈ ملک اور میوے شامل کر کے اچھی طرح مکس کریں۔

8. جب گجرےلا گاڑھا اور کریمی ہو جائے تو چولہا بند کر دیں۔
پیش کرنے کا طریقہ:

اوپر سے بادام، پستہ یا ناریل چھڑک کر گرم یا ٹھنڈا پیش کریں۔

چاہیں تو مٹی کے پیالے میں ڈال کر ف*ج میں رکھ دیں — ٹھنڈا گجریلا بہت لذیذ لگتا ہے! 😋

لب شیریں

اجزاء:
لبِ شیریں ٹرائفل جو بنے بھی جلدی اور آسانی سے لیکن کھانے میں اتنا رنگ برنگ ذائقہ دار کے دل خوش ہوجائے۔

ترکیب:

٭ ایک پیکٹ فالودے کی سویاں پانی میں ڈال کر ابال لیں اور فوری ٹھنڈے پانی میں ان کو بھگو دیں۔

٭ دو کلو دودھ میں آدھا کلو پاؤڈر والا دودھ ڈال کر ایک گھنٹے تک اچھی طرح پکائیں۔

٭ ایک پیکٹ کریم کو دودھ میں ڈال کر اچھی طرح مکس کرلیں۔

٭ ایک چھوٹی پیالی میں ایک کپ دودھ اور آدھا کپ پاؤڈر دودھ ڈال کر اچھی طرح چمچ سے ملائیں اور اس میں چار چمچ روح افزاء ڈال کر مکس کر لیں۔

٭ کیلے، سیب، امرود، انگور، فالسے، چیکو جو بھی پھل آپ کے پاس موجود ہے ان کو باریک کاٹ لیں۔

٭ سادا کیک یا کپ کیک بازار کے بنے ہوئے لے لیں اور ان کو چھوٹے چھوٹے چوکور ٹکڑوں میں کاٹ لیں۔

٭ ایک بڑے سرونگ پیالے میں کٹے ہوئے کیک کے ٹکڑوں کر اچھی طرح رکھیں ایک تہہ بنالیں۔

٭ پھر اس کے اوپر کٹے ہوئے پھل کی ایک تہہ رکھیں۔

٭ چاروں طرف روح افزاء والا دودھ ڈالیں۔

٭ ابلی ہوئی فالودے والی سویاں رکھیں۔

٭ کریم والا دودھ ڈالیں۔

٭ پھر پھل اور ڈرائی فروٹس ڈال کر ایک بار پھر روح افزاء اور کریم ڈال دیں۔

٭ لیجئیے مزیدار، رنگ برنگا سا لبِ شیریں ٹرائفل تیار ہے اب اس کو سروو کیجیے۔

کریم فروٹ چاٹ '

اجزاء۔
آم دو عدد
سیب دو عدد
کیلا 6عدد
پپیتا حسب ضرورت
انگور 1 کپ
انار 1 کپ
،اناناس1 کپ
،چینی 5 کھانے کے چمچے
کریم 1 پیکٹ

ترکیب۔
تمام پھلوں کوایک بڑے پیالےمیں چوکورٹکڑوں میں کاٹ کراس میں چینی شامل کریں اوراب اس میں کریم ڈال کر تمام فروٹ کواچھی طرح ملا لیں اورٹھنڈا ہونےکے لیے فریج میں رکھ دیں۔

آلو کچوری

اجزاء

FOR MASH POTATOES

آلو، اُبلے ہوئےتین عدد

گرم مسالا ایک چائے کا چمچ

لال مرچ پسی ہوئی ایک چائے کا چمچ

نمک حسبِ ذائقہ

سفید مرچ آدھا چائے کا چمچ

زیرہ ایک چائے کا چمچ

کالی مرچ ایک چائے کا چمچ

FOR DOUGH

میدہ دو کپ

نمک حسبِ ذائقہ

گھی ایک کپ

پانی حسبِ ضرورت

ترکیب

ایک پیالے میں دو کپ میدہ لیں اس میں نمک ملا کر اچھی طرح مکس کریں۔ پھر اس میں گھی ڈالیں اور تھوڑا سا گوندھنے کے بعد اس میں پانی ملائیں اور اچھے سے آٹے کی طرح گوندھ لیں۔

اب اسے پانچ منٹ کے لئے ڈھک کر رکھ دیں۔

اب ایک پیالے میں اُبلے ہوئے آلوئوں کو ڈال کر کچل لیں، پھر اس میں گرم مسالا، پسی ہوئی لال مرچ، سفید مرچ، کالی مرچ، نمک اور زیرہ ڈالیں اور اچھی طرح ملائیں۔ یکجان ہوجائے تو بعد میں استعمال کرنے کے لئے ایک طرف رکھ دیں۔

اب گندھے ہوئے میدے کی چھوٹی چھوٹی کچوریاں بنائیں اور گندھے ہوئے آلوئوں کا آمیزہ اس میں اچھی طرح بھر لیں۔

اب ایک کڑاھی میں تیل گرم کریں اور آلو بھری کچوریوں کو اس میں ڈال کر اچھی طرح تلیں، گولڈن برائون ہونے پر نکال لیں۔

مزے دار آلو کی کچوریاں تیار ہیں، گرم گرم کھائیں اور آج کی افطاری کو یادگار بنائیں۔