Fun Media

لندن میں برٹش ایشین ٹرسٹ کی تقریب کے دوران پاکستانی اداکارہ ماہرہ خان کی برطانیہ کے بادشاہ شاہ چارلس سے ملاقات ہوئی۔ ماہرہ خان نے بتایا کہ شاہ چارلس نے ان کے سماجی اور فلاحی منصوبوں میں گہری دلچسپی کا اظہار کرتے ہوئے ان کی کاوشوں کو سراہا اور شکریہ ادا کیا۔

اداکارہ کے مطابق ملاقات کے دوران ذہنی صحت، سماجی بہبود، ہراسانی اور تشدد جیسے اہم موضوعات پر بھی گفتگو ہوئی۔ ماہرہ خان نے کہا کہ ذہنی بیماریوں کو بھی دیگر جسمانی امراض کی طرح سنجیدگی سے لینا چاہیے اور معاشرے میں مثبت تبدیلی کے لیے اجتماعی سوچ کو فروغ دینا ضروری ہے۔

ڈاکٹر عامر لیاقت حسین کی چوتھی برسی کے موقع پر ان کی سابق اہلیہ سیدہ بشریٰ اقبال نے انہیں خراجِ عقیدت پیش کیا۔ اپنے پیغام میں انہوں نے عامر لیاقت کی منفرد شخصیت، متاثر کن اندازِ گفتگو اور عوام کے ساتھ ان کے مضبوط تعلق کو یاد کیا۔ بشریٰ اقبال کا کہنا تھا کہ عامر لیاقت کی وفات سے پیدا ہونے والا خلا آج بھی محسوس کیا جاتا ہے، تاہم پاکستانی ٹیلی ویژن کے لیے ان کی خدمات اور ان کی یادیں انہیں لوگوں کے دلوں میں زندہ رکھے ہوئے ہیں۔