PDF Books shop

”ہر آنے والا وقت گزرے ہوئے وقت سے بدتر ہوتا چلا جائے گا“
======================================
حضرت معاذ بن جبل رض فرماتے ہیں کہ تم لوگ دنیا میں صرف مصیبت اور فتنے دیکھتے رہوگے اور معاملہ پہلے سے بھی زیادہ شدید تر ہوتا چلا جائے گا، تم جتنا بھی ہولناک اور شدید واقعہ دیکھو، لیکن بعد والا واقعہ اُس گذرے ہوئے واقعہ کو حقیر اور کم تر بنادے گا۔
دنیا میں اب صرف مصیبت اور فتنہ ہی بچ گیا ہے۔(ابن ماجہ :4035)
حضرت انس رض فرماتے ہیں کہ تم پر ہر آنے والا سال گذشتہ سال سے بد تر ہوگا
حضرت عبد اللہ بن مسعود رض فرماتے ہیں کہ مہینوں، دنوں اور راتوں میں سب سے بدتر وہ ہیں جو قیامت کے قریب تر ہیں، گویا جوں جوں قیامت قریب ہوتی چلی جائے گی شدّت بڑھتی چلی جائے گی۔
حضرت زبیر بن عدی روایت کرتے ہیں کہ ہم حضرت انس بن مالک رض کے پاس آئے اور ان مظالم کی شکایت کی جو ہم پر حجاج کی طرف سے ہوتے تھے، تو انہوں نے کہا: صبر کرو! اس لئے کہ کوئی زمانہ نہیں آئے گا مگر اس کے بعد والا زمانہ اس سے زیادہ برا ہوگا؛ حتی کہ تم اپنے رب سے جاملو گے، میں نے بات تمہارے نبی صلی اللہ علیہ وآلہ وسلم سے سنی ہےَ۔(بخاری:7068)

نبی کریمﷺکا ارشاد ہے کہ دنیا کی ہر چیز میں مستقل کمی ہوتی رہے گی سوائے شر کے ، کیونکہ اُس میں مسلسل اضافہ ہوتا رہے گاِ۔(مسند احمد:27483)
نبی کریمﷺ کا ارشاد ہے: معاملہ (دنیا) میں شدت بڑھتی ہی جائے گی اور دنیا میں ادبار (افلاس و اخلاق رذیلہ) بڑھتا ہی جائے گا لوگ بخیل سے بخیل تر ہوتے جائیں گے اور قیامت انسانیت کے بدترین افراد پر قائم ہو گی اور (قرب قیامت حضرت مہدی کے بعد) کامل ہدایت یافتہ شخص صرف حضرت عیسیٰ بن مریم ہوں گے۔(مستدرکِ حاکم :8364)
حضرت عبد اللہ بن مسعود رض فرماتے ہیں: بے شک اللہ تعالیٰ نے ہر چیز کی انتہاء بنائی ہے ، اور یہ دین بھی بے شک تام ہوچکا ہے اور اب یہ رو بہ تنزّل ہے یعنی نقصان کی طرف جارہا ہےٍ۔(ابن ابی شیبہ :37337)
_____________________________________________________

یہ مضمون تاریک فتنے اور قیامت کی علامت کتاب سے لیا گیا ہے آپ اگر یہ کتاب مکمل پڑھنا چاہتے ہیں تو ہمارے پاس اسکی PDF کتاب موجود ہے آپ ہم سے خرید سکتے ہیں

تاریک فتنے اور قیامت کی علامات
PDF Book

صفحات :211
قیمت ؛50
آج ہی اپنے لئے یہ کتاب آڈر کریں
Contact me on Whatsapp:
03226094653
_____________________________________________________