LATIF Institute Of Skills Development
Share
🌸 عورت طاقت آهي – عورت سماج جي سڃاڻپ آهي 🌸
عورتن جو عالمي ڏينهن – 8 مارچ
اڄوڪو ڏينهن دنيا جي سڀني عورتن جي عزت، همت ۽ جدوجهد کي سلام پيش ڪرڻ جو ڏينهن آهي۔ عورت ماءُ، ڀيڻ، ڌيءَ ۽ زال جي صورت ۾ محبت، قرباني ۽ حوصلي جو خوبصورت مثال آهي، جيڪا سماج جي تعمير ۾ اهم ڪردار ادا ڪري ٿي۔
لطيف انسٽيٽيوٽ آف اسڪل ڊولپمينٽ نيوجتوئي هميشه ان ڳالهه تي يقين رکي ٿو ته جيڪڏهن عورت کي تعليم ۽ هنر جا موقعا ملن ته هو نه صرف پنهنجي زندگي سنواري سگهي ٿي پر پنهنجي خاندان ۽ سڄي سماج جي ترقي جو سبب بڻجي سگهي ٿي۔
اسان جي اداري ۾ نياڻين ۽ عورتن کي ڊريس ميڪنگ ۽ ٻين مهارتن جي تربيت ڏني پئي وڃي ته جيئن هو بااختيار بڻجن، پنهنجي پيرن تي بيهن ۽ باعزت روزگار حاصل ڪري سگهن۔
اڄ عورتن جي عالمي ڏينهن تي اچو ته عزم ڪريون ته عورتن کي عزت، تعليم ۽ ترقي جا وڌيڪ موقعا ڏئي هڪ بهتر، بااختيار ۽ خوشحال سماج جي تعمير ڪنداسين۔
✨ بااختيار عورت، مضبوط ۽ ترقي يافته سماج جي ضمانت آهي۔
ڊائريڪٽر
لطيف انسٽيٽيوٽ آف اسڪل ڊولپمينٽ نيوجتوئي
BBSHRRDB فيز XVI جي ڪامياب افتتاحي تقريب بابت رپورٽ
جڳهه: لطيف انسٽيٽيوٽ آف اسڪل ڊولپمينٽ (LISD) نيوجتوئي
تاريخ ۽ وقت: 05-01-26، صبح 11:00 وڳي
بينظير ڀٽو شهيد هيومن ريسورس ريسرچ اينڊ ڊولپمينٽ بورڊ (BBSHRRDB) ٽريننگ پروگرام فيز XVI جي افتتاحي تقريب لطيف انسٽيٽيوٽ آف اسڪل ڊولپمينٽ (LISD)، نيوجتوئي ۾ ڪاميابي سان منعقد ڪئي وئي.
تقريب انتهائي بهتر نموني سان ترتيب ڏنل هئي، جنهن ۾ معزز مهمانن، فيڪلٽي ميمبرن ۽ داخلا ورتل شاگردن وڏي انگ ۾ شرڪت ڪئي.
افتتاحي تقريب جو باقاعده آغاز صبح 11:00 وڳي تلاوتِ ڪلام پاڪ سان ڪيو ويو، جنهن سان تقريب کي روحاني ۽ باوقار شروعات ملي. ان کان پوءِ ربن ڪٽنگ تقريب منعقد ڪئي وئي، جنهن سان BBSHRRDB فيز XVI جو باقاعده افتتاح ڪيو ويو.
ربن عبدالوحيد ملاح ، سائين عبدلحڪيم ملاح، جن پنهنجي شاندار موجودگي سان تقريب کي چار چنڊ لڳايا.
ان موقعي تي مسٽر يارمحمد ملاح، ڊائريڪٽر LISD نيوجتوئي طرفان آجيان تقرير ڪئي وئي، جنهن ۾ هن سڀني معزز مهمانن ۽ شاگردن کي ڀليڪار چيو. هن BBSHRRDB جي مقصدن، اسڪل ڊولپمينٽ جي اهميت ۽ LISD جي نياڻين کي معياري فني ۽ فڪري تربيت فراهم ڪرڻ واري عزم تي روشني وڌي.
عبدالوحيد ملاح طرفان حوصلا افزائي خطاب ڪيو ويو، جنهن ۾ هن شاگردن کي نظم و ضبط، محنت ۽ لگن کي ڪاميابي جون ڪنجيون قرار ڏنو. سندس تقرير شاگردن جي حوصلي کي بلند ڪيو ۽ کين روشن مستقبل لاءِ اسڪل سکڻ تي زور ڏنو.
تقريب جي خاص سائين عبدالحڪيم ملاح ايڇ ايم (GHSS) طرفان اثرائتو خطاب ڪيو ويو. هن خاص طور عورتن کي پاڻ تي اعتماد رکڻ، پيشاورانه مهارتون حاصل ڪرڻ ۽ سماج جي تعمير ۾ مثبت ڪردار ادا ڪرڻ جي تلقين ڪئي. سندس موجودگي تقريب لاءِ اعزاز ۽ همٿ جو سبب بڻي.
تقريب دوران BBSHRRDB جي شاگردن ۾ آفر ليٽر ۽ ٽريننگ مواد ورهايو ويو، جنهن سان سندن تربيتي سفر جو باقاعده آغاز ٿيو.
افتتاحي تقريب خوشگوار ۽ مثبت ماحول ۾ اختتام پذير ٿي. مجموعي طور تقريب ڪاميابي سان منعقد ٿي، جنهن کي شرڪت ڪندڙن ۽ معزز مهمانن کي اجرڪ ۽ ڪتاب جا تحفا ڏنا ويا
هن تقريب ۾ پرسنپل نويد حسين ملاح مينيجمنٽ ڊائريڪٽر (LISD) دوست محمد سومرو ، بدر الدين پنهور عبدالعزیز ملاح چار چنڊ هڻي ڇڏيا
هي تقريب نوجوانن جي بااختياري ۽ مهارتن جي ترقي لاءِ مضبوط رابطي، موثر منصوبه بندي ۽ اداري جي خلوص واري عزم جي عڪاسي ڪري ٿي.
Click here to claim your Sponsored Listing.
Category
Website
Address
Murtaza Khan Jatoi
Moro
