Free Legal Help

جرح (Cross-examination) – ایک قانونی حق اور ناگزیر مرحلہ

1. جرح کا موقع دینا ضروری ہے:
کوئی بھی شہادت کسی فریق کے خلاف قابل قبول نہیں جب تک اس فریق کو گواہ سے جرح کرنے کا موقع نہ دیا جائے۔ (138 قانونِ شہادت)

2. صرف حق نہیں بلکہ موقع بھی ہونا چاہیے:
صرف جرح کا "حق" ہونا کافی نہیں بلکہ "موقع" بھی دیا جانا لازمی ہے، ورنہ ایسی شہادت قانوناً ناقابل قبول ہوگی۔ (AIR 1923 Pat. 53)

3. جرح کے بغیر شہادت بے اثر ہے:
اگر کسی گواہ کا بیان ایسے وقت لیا گیا ہو جب ملزم یا اس کے وکیل کو موجود رہنے اور جرح کا موقع نہ ملا ہو تو وہ بیان ناقابل قبول ہوگا۔ (1986 SCMR 620)

4. وکیل کی غیر موجودگی میں جرح نہ ہونا:
اگر ملزم کا وکیل دستیاب نہ ہو اور گواہ پر جرح نہ ہو سکے، تو عدالت کو گواہ کو دوبارہ طلب کرنا چاہیے۔ (1971 P.Cr.LJ 1054)

5. اگر جرح نہ ہو تو بیان تسلیم شدہ سمجھا جاتا ہے:
جب کسی گواہ پر جرح نہ کی جائے تو اس کا بیان تسلیم شدہ تصور کیا جاتا ہے۔ (PLD 1964 Pesh. 194)

6. ادھوری جرح بھی قابلِ غور ہوتی ہے:
اگر کسی گواہ پر مکمل جرح نہ ہو سکی ہو مگر کچھ جرح ہوئی ہو، تو بیان کو شواہد میں شامل کیا جا سکتا ہے۔ (PLD 1974 Lah. 100)

7. جرح کا موقع نہ ملے تو ٹرائل ازسرنو ہو سکتا ہے:
اگر ملزم کو جرح کا مکمل موقع نہ ملے تو کارروائی کالعدم ہو سکتی ہے اور مقدمہ دوبارہ چلایا جا سکتا ہے۔ (PLD 1963 Kar. 63)

8. اگر گواہ فوت ہو جائے یا غائب ہو جائے:
اگر گواہ جرح سے پہلے فوت ہو جائے اور اس کی شہادت مکمل نہ ہو سکی ہو، تو وہ بیان ناقابل قبول ہوگا۔ (AIR 1933 Lah. 361)

9. وکیل کے بغیر جرح غیر مؤثر سمجھی جاتی ہے:
اگر ملزم نے خود جرح کی ہو اور وکیل نہ ہو، تو یہ مؤثر جرح نہیں کہلائے گی۔ (1993 SCMR 550)

10. عدالت کا کردار:
اگر ملزم کے وکیل کی صلاحیت کم ہو یا جرح نہ کر سکے، تو جج پر لازم ہے کہ وہ خود سچائی معلوم کرنے کے لیے سوالات کرے۔ (AIR 1942 Pat. 90)

11. عدالت کا گواہ (Court Witness):
عدالت کی طرف سے بلایا گیا گواہ فریقین سے جرح کے لیے کھلا ہوتا ہے۔ (5 Cal. 614)

12. جرح کو ناجائز حد تک محدود کرنا غلط ہے:
جرح کے لیے وقت کی غیر معقول حد مقرر کرنا، جیسے صرف تین منٹ دینا، قانونی طور پر غلط ہے۔ (AIR 1937 All. 171)

13. دوبارہ گواہ بلانا (S. 540 Cr.P.C):
اگر انصاف کے تقاضے پورے کرنے کے لیے گواہ کو دوبارہ بلانے کی ضرورت ہو تو عدالت ایسا کر سکتی ہے۔ (PLD 1992 Kar. 91)

14. جرح کا اصل مقصد:
جرح کا مقصد گواہ کو تھکا کر جواب لینا نہیں، بلکہ سچائی کو ظاہر کرنا ہے۔ (PLJ 1996 S.C. 228)

15. نامناسب یا شرمناک سوالات:
اگر سوال کسی اہم مسئلے سے متعلق ہو تو عدالت ایسے سوالات کو روک نہیں سکتی، چاہے وہ بظاہر شرمناک ہوں۔ (ILR 18 Bom. 468)