Al-Rufaidah Islamic Institute

کروڑ پتی کرکٹر "شاہین آفریدی" کا نکاح ارب پتی سابق کرکٹر "شاہد آفریدی" کی لخت جگر "انشا آفریدی" کے ساتھ ہوگیا۔
نکاح کی تقریب کا انعقاد ایک مسجد میں ہوا۔

یہ دو گھرانے اگر چاہتے تو کسی فائیو سٹار ہوٹل میں بھی نکاح پروگرام رکھ سکتے تھے،
مگر انہوں نے نکاح کیلئے مسجد کا انتخاب کیا۔

دوسری طرف ہمارے یہاں "شاہد آفریدی ٹرسٹ" کے زکوة اور صدقہ کے مستحق آدمی کی بیٹی کا نکاح اسے زیادہ پر تعیش اور مہنگا ہوتا ہے وجہ علاقہ میں رائج ناجائز رسومات ہیں۔

اگر وہ رسومات نہ ہوں گے تو لوگ کیا کہیں گے۔
صرف اس ایک بات کی خاطر "لوگ کیا کہیں گے" ہم نے نکاح بہت ہی مشکل کردیں۔

گھروں میں کنواری لڑکیاں بیٹھی ہیں مگر وہ رسومات ان کے نکاح کے آگے رکاوٹ ہے۔جو ہماری اوقات سے باہر ہے۔
نکاح کو آسان بنائیں تاکہ دیگر معاشرتی برائیوں کا راستہ بند ہو۔۔۔

‏اندھیروں میں بھی راستہ ہوگا، جب اللہ سے رابطہ ہوگا۔

صرف اللّٰہ پاک ہی ہمیں تھام سکتا ہے، سہارا دے کر اٹھا سکتا ہے، بندوں کے سہارے واقعی بڑے کمزور ہیں۔ خواہ وہ اس کے مخلص بندوں ہی کے کیوں نہ ہوں۔ جب آپ گر جاتے ہیں تو وہی ہر ہر پتے تک کی حرکت سے بھی واقف ربّ، وہ العلیم ہی آپ کی حالت جانتا ہے۔ وہ الودود آپ کو ڈھارس دیتا ہے۔ وہی الرحیم آپ کو گناہوں کی اس دلدل میں بہت اندر تک ڈوبنے سے بچا لیتا ہے۔
وہ الغفور آپ سے گناہوں کے بوجھ ہٹا کر آپ کو وقار سے چلنا سیکھاتا ہے۔ وہ جب آپ کا دل ڈوب رہا ہوتا ہے وہ جب آپ اس کو کھو دینے سے ڈر رہے ہوتے ہیں وہی المؤمن آپ کو اس خوف امن دیتا ہے۔ وہ العزیز بندے کے عیب چھپا کر اسے بندوں میں معزز کر دیتا ہے۔ وہ المالک ہے بادشاہوں کا بادشاہ پر اتنا نرم دل، اتنا محبت کرنے والا، اتنا خیال رکھنے والا، اپنے حقیر گناھگار بندوں کے بھی اتنے قریب۔ هَلْ تَعْلَمُ لَهٗ سَمِیًّا۠(۶۵)۔ کیا اس جیسا کوئی اور بھی ہے؟ ہو کوئی اس کا ہم نام، اس کا ہم مثل، اس کا ہم صفات؟ کیا اس کے سوا کبھی کسی اور سے بھی ہمیں کچھ ملا ہے؟
کوئی خیر، کوئی سہارا، کوئی مدد؟ پھر بھی ہم نادان انسان اپنے جیسے انسانوں سے امید رکھتے ہیں، بات یہ ہے کہ ہم نے اسکی قدر ہی نہیں پہچانی۔۔
اللہ پاک ارحم الراحمین ہیں، وہ اپنے بندے کی خطاؤں کو فراموش کر کے ان کو نوازے جاتے ہیں، ورنہ ہم کیا ہماری اوقات کیا، یہ تو ہمارا رب ہے جو ہمیں بے پناہ محبت کرتا ہے اور ہمیں ہر قسم کی محرومی سے بچا کر دیتا ہی چلا جاتا ہے، اس کا شکر بجا لائیں، یہی حق ہے،
الحمدللہ 💕