Mohsin Raza Hashmi

الحمدللہ، آج سے تقریباً دو سال قبل ہم نے ایک نوحے کا ریکارڈنگ ولاگ تیار کیا تھا۔ اس خوبصورت نوحے کے اشعار جناب ارسلان عظمی صاحب نے تحریر کیے جبکہ اس کی دلنشین کمپوزیشن اون رضوی صاحب نے ترتیب دی تھی۔

اس ولاگ کے منظرِ عام پر آنے کے بعد بے شمار عزادارانِ امام حسینؑ کی جانب سے یہ محبت بھری فرمائش موصول ہوئی کہ اس نوحے کو میری آواز میں باقاعدہ ریکارڈ کیا جائے۔ الحمدللہ، اسی محبت اور حوصلہ افزائی کے نتیجے میں اس سال کے نوحہ البم میں مجھے یہ نوحہ اپنی آواز میں ریکارڈ کروانے کی سعادت حاصل ہوئی۔

اس نوحے کی ویڈیو پاکستان کے ممتاز سنیماٹوگرافر، ڈائریکٹر اور TNA Production کے بانی علی ارمان بلتستانی صاحب نے پروڈیوس کی ہے، جبکہ اس کی آڈیو ریکارڈنگ پاکستان کے معروف ریکارڈسٹ میثم زیدی صاحب (Lawa Studio) نے انجام دی ہے۔

آپ تمام مومنین و عزاداران سے دعا کی درخواست ہے کہ مولا حسینؑ اس حقیر کی اس ادنیٰ خدمت اور نوکری کو اپنی بارگاہِ اقدس میں شرفِ قبولیت عطا فرمائیں۔

یا امام حسینؑ، یا حسینؑ۔

یا امام یا حسین
محرم قریب ہے… الحمدللہ تمام نوحے مکمل ہو گئے ہیں۔
اب بس آپ سب کی دعاؤں کی ضرورت ہے، اپنی دعاؤں میں ضرور یاد رکھیے گا۔
آغازِ محرم، غمِ حسینؑ کے احساس کے ساتھ🤲🏻