Khadim e Azadar Pakistan

السلام علیکم

آج بروز جمعہ 15-05-2026، خادمِ عزا دار پاکستان کے چیئرمین سید عسکری رضا زیدی اور جنرل سیکریٹری سید عباس زیدی کی ہدایات پر، مسجد و امام بارگاہ یٰسین کے بانی مولانا بدر الحسن صاحب سے ڈسٹرکٹ سینٹرل کے چیف کوآرڈینیٹر سید مسیّب علی زیدی، ڈسٹرکٹ ایسٹ کے زون انچارج علی خان، اور خادمِ عزا دار پاکستان کے میڈیا کوآرڈینیٹر سید دانیال زیدی نے امام بارگاہ یٰسین میں ملاقات کی۔

اس موقع پر ہر جمعہ امام بارگاہ میں خدمت انجام دینے کے حوالے سے مولانا بدر الحسن صاحب اور الحسینی اسکاؤٹس کے GSL سے تفصیلی گفتگو ہوئی۔ الحمدللہ، ان کے ساتھ مل کر کام کرنے کا ارادہ کیا گیا اور بے حد خوشی ہے کہ ان کی جانب سے نہایت مثبت اور حوصلہ افزا ردِعمل ملا، نیز باقاعدہ طور پر ورکنگ کرنے کی اجازت بھی دی گئی۔

مزید یہ کہ آنے والے ایّامِ عزا میں امام بارگاہ میں ہونے والے تمام مرکزی عشروں میں سیکیورٹی کے تمام انتظامات خادمِ عزا دار پاکستان کے ساتھ مل کر انجام دینے کے عزم کا بھی اظہار کیا گیا۔

شکریہ

شعبہ نشر و اشاعت
خادمِ عزا دار پاکستان

شہادت امام علی رضا علیہ السلام 😭