WeRead

Reading.....!

فضائے بدر پیدا کر فرشتے تیری نصرت کو
اتر سکتے ہیں گردوں سے قطار اندر قطار اب بھی

۱۷ رمضان المبارک، غزوہ بدر، یوم الفرقان

#بدر #فرقان #حق #شیئر

پیارے نبی ﷺکی سُرمہ لگانے کی سنتیں
#سیرت #پڑھو #سیکھو #عمل کرو #پھیلاؤ

ایک عجیب واقعہ

تفسیر قرطبی میں اس جگہ ایک واقعہ حضرت فاروق اعظم کا نقل کیا گیا ہے جس سے ان چاروں چیزوں کے مفہوم کی وضاحت ہو جاتی ہے جو درج ذیل آیت میں اللہ تعالی نے ذکر کی ہیں ۔۔۔۔۔۔ واقعہ یہ ہے کہ حضرت فاروق اعظم رضی اللہ عنہ ایک روز مسجد نبوی میں کھڑے تھے کہ اچانک ایک رومی دیہاتی آدمی بالکل آپ کے برابر آ کر کھڑا ہوگیا اور کہنے لگا انا اشھد ان لا الہ الا اللہ واشھد ان محمد الرسول اللہ۔ حضرت فاروق اعظم نے پوچھا کیا بات ہے ؟
کہا میں اللہ کے لئے مسلمان ہو گیا ہوں
حضرت فاروق اعظم نے پوچھا کیا اس کا کوئی سبب ہے؟
اس نے کہا ہاں!..........بات یہ ہے کہ میں نے تورات، انجیل، زبور اور انبیاء سابقین کی بہت سی کتابیں پڑھی ہیں ۔ مگر حال میں ایک مسلمان قیدی قرآن کی ایک آیت پڑھ رہا تھا وہ سنی تو معلوم ہوا کہ اس چھوٹی سی آیت نے تمام کتب قدیمہ کو اپنے اندر سمو لیا ہے تو مجھے یقین ہوگیا کہ یہ اللہ ہی کی طرف سے ہے۔
فاروق اعظم نے پوچھا کہ وہ کون سی آیت ہے؟
رومی دیہاتی نے یہ آیت پڑھی: وَمَنْ يُّطِعِ اللّٰهَ وَرَسُوْلَهٗ وَيَخْشَ اللّٰهَ وَيَتَّقْهِ فَاُولٰۗىِٕكَ هُمُ الْفَاۗىِٕزُوْنَ
ترجمہ:جو لوگ اللہ اور اس کے رسول کی فرمانبرداری کریں، اللہ سے ڈریں، اور اس کی نافرمانی سے بچیں تو وہی لوگ کامیاب ہیں۔
آیت پڑھنے کے بعد رومی دیہاتی نے اس کی تفسیر بھی عجیب و غریب اس طرح بیان کی کہ مَنْ يُّطِعِ اللّٰهَ: فرائض الہیہ کے متعلق ہے۔۔۔۔۔ وَرَسُوْلَهٗ سنت نبوی کے متعلق ہے ۔۔۔۔ وَيَخْشَ اللّٰهَ گزشتہ عمر کے متعلق ہے۔۔۔اور وَيَتَّقْهِ آئندہ باقی عمر کے متعلق ہے۔۔۔۔۔ جب انسان ان چار چیزوں پر عمل پیرا ہو جائے تو اس کو اولٰۗىِٕكَ هُمُ الْفَاۗىِٕزُوْنَ کی بشارت ہے اور فائز: وہ شخص ہے جو جہنم سے نجات پائے اور جنت میں اس کو ٹھکانا ملے۔
حضرت فاروق اعظم عمر بن خطابؓ نے یہ سن کر فرمایا کہ نبی کریم ﷺ کے کلام میں اس کی تصدیق موجود ہے۔۔۔ آپ نے فرمایا ہے: اوتیت جوامع الکلم یعنی اللہ تعالیٰ نے مجھے ایسے جامع کلمات عطا فرمائے ہیں جن کے الفاظ مختصر اور معانی نہایت وسیع ہیں
(قرطبی)