Bisp Web Portal

ڈائریکٹر جنرل بینظیر انکم سپورٹ پروگرام بلوچستان، ڈاکٹر جلال فیض، نے مکران ڈویژن کے مختلف تحصیل اور اضلاع کا دورہ کیا۔ اس موقع پر انہوں نے ڈسٹرکٹ ٹیچنگ ہاسپٹل تربت میں بینظیر نشوونما سینٹر، نیوٹریشن اسٹیبلائزیشن سینٹر اور موجودہ سہولیات کا جائزہ لیا، جہاں متعلقہ اسٹاف نے اپنی کارکردگی اور روزانہ کی پیش رفت کے بارے میں بریفنگ دی۔ ڈاکٹر جلال فیض نے خواتین کو بہتر سہولیات فراہم کرنے کی ہدایت کی۔

بعد ازاں، ڈاکٹر جلال فیض نے بینظیر انکم سپورٹ پروگرام، ڈسٹرکٹ کیچ کے اسٹاف کے ہمراہ تربت میں سم ڈسٹریبیوشن کیمپ کا دورہ کیا۔ اس دوران انہوں نے خواتین سے ملاقات کی اور ڈیجیٹل لٹریسی سیشن میں شرکت کی، جس میں سم کارڈز اور والٹ اکاؤنٹ کی اہمیت، استعمال اور محفوظ رکھنے کے طریقے کے بارے میں رہنمائی فراہم کی گئی۔

Bisp Important Notice!