https://www.facebook.com/114054567717793/

General knowledge

Name: General knowledge
Address: Islamabad, PK
Telephone: +923142834525

29/10/2025

اسلام آباد: فیس بک، جو اربوں صارفین کے ساتھ دنیا کا مقبول ترین سوشل میڈیا پلیٹ فارم ہے، نے خاموشی سے ایک نیا فیچر متعارف کرایا ہے جو پوسٹنگ کے عمل کو مزید آسان اور جدید بنا دے گا۔

میٹا نے اپنی ایپ میں مصنوعی ذہانت (AI) کے فیچرز کا دائرہ بڑھا دیا ہے، جس کے تحت اب صارفین Meta AI کو صرف تحریری ہدایات دے کر براہِ راست فیس بک پوسٹس میں تصاویر بنا سکیں گے۔

اس کے لیے فیس بک کے “What’s on your mind” پوسٹ باکس میں ایک نیا بٹن شامل کیا گیا ہے، جو ایموجی آئیکن کے نیچے دائیں کونے میں موجود ہوگا۔ اس بٹن پر کلک کرنے سے صارف Meta AI کو ہدایت دے کر تصاویر تخلیق کر سکتا ہے۔

ہدایات دینے کے بعد Meta AI صارف کو چار مختلف تصویری آپشنز فراہم کرے گا، جن میں سے ایک کا انتخاب کیا جا سکے گا۔ بائیں جانب ایڈیٹنگ کے لیے اضافی آپشنز بھی دستیاب ہوں گے تاکہ تصویر کو حسبِ ضرورت بہتر بنایا جا سکے۔

جب صارف تصویر سے مطمئن ہو جائے، تو “Done” پر کلک کر کے پوسٹ کر سکتا ہے۔
یہ فیچر فی الحال محدود صارفین کے لیے متعارف کرایا گیا ہے، تاہم آئندہ چند دنوں یا ہفتوں میں اسے تمام فیس بک صارفین کے لیے دستیاب کر دیا جائے گا۔