GBLA 3

گلگت(پ ر) کڈز یونیورسٹی اوشکھنداس میں سالانہ تقریب تقسیم اسناد کا پروگرام منعقد ہوا جس میں مہمان خصوصی سابق اپوزیشن لیڈر گلگت بلتستان اسمبلی کیپٹن ریٹائرڈ شفیع خان تھے پروگرام سے خطاب کرتے ہوئے انہوں نے کہا کسی بھی قوم کی بنیادی پہچان تعلیم ہے تعلیم کے بغیر کوئی قوم ترقی نہیں کر سکتی ہے میری اولین ترجیح حلقے میں تعلیم ہوگی اس دفعہ انشاءاللہ جیت کر علاقے میں تعمیر و ترقی پرکام کروں گا انہوں نے کڈز یونیورسٹی کے اساتذہ اور ہونہار طلبہ و طالبات کی محنت اور کوششوں کو سراہتے ہوئے کہا کہ منتظمین اور اساتذہ گھر کی دہلیز پر بچوں کو معیاری اور تحفظ کے ساتھ جدید تعلیم فراہم کرتے ہیں یہ صدقہ جاریہ ہے انہوں نے پوزیشن ہولڈرز طلبہ میں نقدی اور اساتذہ میں بہترین کارکردگی کے سرٹیفیکیٹ تقسیم کئےاور انتظامیہ کو بھی مالی معاونت کی بھی یقین دہانی کرائی۔