Gilgit City Northern Areas

ہم نوجوانانِ گلگت، جی ایم واپڈا دیامر بھاشہ ڈیم انجینئر نزاکت حسین—جو گلگت بلتستان کے قابل، باوقار اور محنتی سپوت ہیں—کے دفتر میں گھس کر نام نہاد کمیٹی کے چند عناصر کی جانب سے بدتمیزی، دھونس اور ہنگامہ آرائی کی شدید الفاظ میں مذمت کرتے ہیں۔ یہ عمل نہ صرف ایک ذمہ دار سرکاری افسر کی توہین ہے بلکہ پورے گلگت بلتستان کی عزت و وقار پر حملہ ہے۔
اہلیانِ گلگت اس صورتحال پر سخت تشویش میں مبتلا ہیں۔ اگر اشتعال انگیزی، بدتمیزی اور ادارہ جاتی تضحیک کا یہ سلسلہ جاری رہا تو اس کے ردِعمل کے اثرات صرف دیامر تک محدود نہیں رہیں گے۔ گلگت میں تعینات دیامر سے تعلق رکھنے والے آفیسران اور حکومتی اہلکاروں کے ساتھ بھی عوامی سطح پر ایسا ہی برتاؤ اور ردِعمل سامنے آ سکتا ہے، جس کی مکمل ذمہ داری ان شرپسند عناصر پر عائد ہوگی جو جان بوجھ کر علاقائی نفرت اور انتشار کو ہوا دے رہے ہیں۔
ہم واضح کرتے ہیں کہ گلگت بلتستان میں افسران، اداروں اور ریاستی نظم و ضبط کے وقار سے کھیلنے کی کسی کو اجازت نہیں دی جائے گی۔ اختلافِ رائے ایک حق ہے، مگر قانون شکنی، دھمکی آمیز رویہ، دفاتر پر دھاوا بولنا اور بدتہذیبی کسی صورت قابلِ قبول نہیں۔
متعلقہ حکام فوری نوٹس لیں، ذمہ دار عناصر کے خلاف سخت کارروائی کریں اور ایسے واقعات کی مستقل روک تھام یقینی بنائیں، بصورتِ دیگر حالات کی سنگینی بڑھنے کی تمام تر ذمہ داری انہی شرانگیز عناصر پر ہوگی۔
نوجوانانِ گلگت امن، قانون اور اداروں کے احترام کے ساتھ کھڑے ہیں—
لیکن عزت، وقار اور باہمی احترام پر کوئی سمجھوتہ نہیں ہوگا۔