Daily GB

وزیر ِ اعلیٰ گلگت بلتستان امجد حسین کی وزیر اعظم پاکستان محمد شہباز شریف کے ساتھ 21جولائی 2026ء کو ہونے والی ملاقات میں اٹھائے گئے مسائل کا جائزہ لینے اور ان مسائل کو حل کرنے کیلئے جامعہ سفارشات دو ہفتوں میں وزیر اعظم پاکستان کو پیش کرنے کیلئے وزیراعظم پاکستان نے وفاقی وزیر برائے منصوبہ بندی، ترقی و اصلاحات / خصوصی اقدامات کی سربراہی میں 9رکنی خصوصی کمیٹی تشکیل دی ہے جس میں وزیر برائے پاور ڈویژن،اٹارنی جنرل برائے پاکستان سکرٹری، وزارتِ ماحولیاتی تبدیلی، سکرٹری، فنانس ڈویژن،سکرٹری، پاور ڈویژن،سکرٹری، وزارتِ آبی وسائل، چیف سکرٹری، گلگت بلتستان،سکرٹری، وزارتِ امورِ کشمیر، گلگت بلتستان و امورِ سرحدات شامل ہیں۔ کمیٹی کو اختیار حاصل ہے کہ کسی بھی دوسرے شخص کو کمیٹی کے معاونت کیلئے کمیٹی میں شامل کیا جاسکتا ہے۔ کمیٹی پبلک پرائیویٹ پارٹنر شپ کے ذریعے گلگت بلتستان میں پن بجلی کے منصوبوں میں سرمایہ کاری کیلئے اپنی سفارشات تیار کرے گی اور اس کے علاوہ گلگت بلتستان کیلئے پائیدار مالیاتی فریم ورک کا جائزہ لینا بشمول وسائل کی فراہمی اور آمدن میں اضافے کیلئے تجاویز مرتب کرے گی تاکہ طویل مدتی مالیاتی استحکام کو یقینی بنایا جاسکے۔اس کے علاوہ ماحولیاتی تحفظ، گلیشیرز کا تحفظ، ڈیجیٹل کنکٹیوٹی، پبلک سروس ڈیلوری اور گلگت بلتستان کی پائیدار ترقی کیلئے ضروری شعبوں سے متعلق اقدامات کی بھی سفارش کرے گی۔

گذشتہ ایک ماہ سے جاری نوجوان طلبہ کے احتجاج کے بعد سنیچر کے روز انڈیا کے وزیرِ تعلیم دھرمیندر پردھان نے استعفیٰ دے دیا۔

ڈپٹی کمشنر/چیرمین ڈسٹرکٹ ڈیزاسٹر مینجمنٹ عنایت اللہ کی ہدایت پر کل مورخہ 24 جولائی کو گاؤں دورنک کے متاثرین کو ٹینٹ اور ضروری سامان اسسٹنٹ ڈائریکٹر جی بی ڈی ایم اے اور اسسٹنٹ کمشنر ریونیو نے پہنچا دیا ڈپٹی کمشنر نے کہا کہ متاثرین کی مشکلات کم کرنے کے لیے دستیاب وسائل بروئے کار لائے جائینگے

ممبران گلگت بلتستان اسمبلی عبدالجہان اور جنیفر بہادر نے سیلاب سے متاثرہ گاؤں عیشی کا دورہ کیا جہاں نقصانات کا جائزہ لے رہے ہیں۔