PYO District Gilgit Official

بڑے الیکٹیبلز کی شمولتیں ثابت کرتی ہیں کہ پیپلز پارٹی ہی گلگت بلتستان کی سب سے مقبول جماعت ہے،وسیم بادامی سینئر نائب صدر PYO

گلگت: پاکستان پیپلز یوتھ آرگنائزیشن (PYO) نے گلگت بلتستان میں پاکستان پیپلز پارٹی (پی پی پی) میں ہونے والی ح اہم شمولیتوں کا خیرمقدم کیا ہے۔ PYO کے سینئر نائب صدر وسیم بادامی نے ایک بیان جاری کرتے ہوئے ان شمولیتوں کو نہ صرف پارٹی کی بلکہ پورے خطے کی مضبوطی کا ذریعہ قرار دیا۔
وسیم بادامی نے کہا کہ سابق وزراء امجد زیدی، راجہ ناصر علی خان، حاجی عبدالحمید، اور حاجی قربان علی کی پی پی پی میں شمولیت یہ ثابت کرتی ہے کہ گلگت بلتستان کی سنجیدہ سیاسی قوتیں اب بلاول بھٹو زرداری کی عوامی پالیسیوں پر مکمل اعتماد کر رہی ہیں۔
انہوں نے اپنے بیان میں کہا ہے کہ پیپلز پارٹی ایک عوامی قوت ہے اور اب یہ ایک ایسی چھتری بن چکی ہے جس کے سائے تلے گلگت بلتستان کی تمام محب وطن اور ترقی پسند قوتیں جمع ہو رہی ہیں۔ یہ شمولیتیں محض سیاسی جوڑ توڑ نہیں بلکہ گلگت بلتستان کے روشن مستقبل کا نیک شگون ہیں۔
وسیم بادامی نے خصوصی طور پر اس بات پر زور دیا کہ یہ شمولیتیں نوجوانوں کے لیے ایک امید لے کر آئی ہیں۔ ان کا کہنا تھا کہ پی پی پی میں تجربہ کار اور بااثر شخصیات کی آمد سے پارٹی کا تنظیمی ڈھانچہ مضبوط ہوگا، جس سے نوجوان قیادت کو اپنی صلاحیتیں دکھانے کے مزید مواقع میسر آئیں گے۔
انہوں نے مزید کہا ہے کہ پیپلز یوتھ آرگنائزیشن کا پیغام واضح ہے۔ ہم ان تمام رہنماؤں کا خیرمقدم کرتے ہیں، اور اب ہم سب مل کر گلگت بلتستان میں اگلی حکومت پی پی پی کی بنانے کے لیے ایک نئی توانائی کے ساتھ کام کریں گے۔ یہ وقت ہے کہ تمام نوجوان کارکن ان نئی شامل ہونے والی شخصیات کے ساتھ مل کر عوامی رابطہ مہم کو تیز کریں۔
سینئر نائب صدر نے آخر میں کہا کہ یہ شمولیتیں انتخابی نتائج پر گہرے اثرات مرتب کریں گی اور ثابت کریں گی کہ پیپلز پارٹی ہی گلگت بلتستان کی سب سے مقبول جماعت ہے

گورنر گلگت بلتستان کے دوغلے رویے، جھوٹ اور پارٹی دشمن اقدامات پر *وسیم عباس بادامی سینئر نائب صدر پی وائی او* کی طرف سے شدید مذمت

پاکستان پیپلز پارٹی کے مخلص جیالے آج انتہائی غصے، دکھ اور اضطراب کے عالم میں یہ بیان جاری کرنے پر مجبور ہیں۔ گورنر گلگت بلتستان نے اپنے عمل اور رویے سے یہ ثابت کر دیا ہے کہ وہ پارٹی کو مضبوط کرنے نہیں بلکہ اندر سے کمزور کرنے کے مشن پر ہیں۔

گزشتہ دنوں گورنر صاحب نے ایک جھوٹ بولتے ہوئے کہا تھا کہ خواجہ مہدی جو کے خلاف ایف آئی آر انہوں نے درج نہیں کروائی، مگر آج جب ایف آئی آر کی اصل کاپی منظرِ عام پر آئی تو حقائق سب کے سامنے آ گئے — یہ ایف آئی آر گورنر صاحب کی اپنی درخواست پر درج کی گئی تھی۔
یہ عمل صرف جھوٹ نہیں بلکہ پارٹی کے ایک باوفا جیالے کے خلاف انتقامی کارروائی ہے۔
ستم تو یہ ہے کہ مخلص کارکن، جو صدرِ مملکت جناب آصف علی زرداری صاحب سے ملاقات کے لیے آیا تھا، اسے گورنر کے کہنے پر گرفتار کر لیا گیا۔
کیا یہ پارٹی وفاداری کا صلہ ہے؟ کیا جیالوں کو قیادت سے ملنے کی سزا قید ہے؟

ہم پوچھنا چاہتے ہیں — آخر گورنر گلگت بلتستان کو کس نے یہ اختیار دیا کہ وہ پارٹی کے جیالوں کو ذاتی دشمنی کی بنیاد پر انتقام کا نشانہ بنائیں؟

گورنر صاحب کے جھوٹ، انتقام اور سازشوں نے نہ صرف پارٹی کے نظم و اتحاد کو نقصان پہنچایا ہے بلکہ جیالوں کے دلوں میں شدید بےچینی پیدا کر دی ہے۔
وہ گورنر ہاؤس، جو پیپلز پارٹی کا فخر ہونا چاہیے تھا، آج پارٹی دشمنی کا گڑھ بن چکا ہے۔

ہم چیئرمین بلاول بھٹو زرداری اور شریک چیئرمین آصف علی زرداری صاحب سے دل کی گہرائیوں سے اپیل کرتے ہیں کہ
مہدی شاہ کو فوری طور پر گورنر کے عہدے سے ہٹا دیا جائے،
تاکہ پارٹی میں بڑھتی ہوئی مایوسی، انتقام کی سیاست اور جھوٹ کی فضا کا خاتمہ ہو،
اور جیالوں کا اعتماد دوبارہ بحال ہو سکے۔

پیپلز پارٹی ہمارے لہو میں ہے،
ہم ظلم کے آگے سر نہیں جھکائیں گے۔
پاکستان پیپلز پارٹی زندہ باد!
جیالے زندہ ہیں، جیالے سرخرو رہیں گے!

پاکستان پیپلز پارٹی کی گلگت بلتستان امور کمیٹی کی اہم مشاورتی نشست اسلام آباد میں منعقد

اسلام آباد، 3 نومبر 2025 — پاکستان پیپلز پارٹی کے چیئرمین بلاول بھٹو زرداری کی ہدایت پر تشکیل دی گئی گلگت بلتستان امور کمیٹی کی ایک اہم مشاورتی نشست سنٹرل سیکرٹریٹ اسلام آباد میں منعقد ہوئی، جس میں گلگت بلتستان کی سینئر قیادت اور سی سی ممبران نے شرکت کی۔

اجلاس میں موجودہ سیاسی و سماجی حالات پر تفصیلی گفتگو ہوئی، جب کہ آمدہ انتخابات کے تناظر میں پالیسی امور زیر بحث آئے۔ شرکاء نے گلگت بلتستان میں پارٹی کی تنظیمی حکمت عملی، عوامی رابطہ مہم، اور انتخابی تیاریوں پر غور کیا۔ اس موقع پر خطے کے عوامی مسائل اور ترجیحات کو مدنظر رکھتے ہوئے پارٹی پالیسی کو مزید مؤثر بنانے پر اتفاق کیا گیا۔

اجلاس میں شرکت کرنے والوں میں مرکزی سطح پر سید نئیر حسین بخاری، قمر زمان کائرہ، ہمایوں خان، ندیم افضل چن، اور سید سبط الحیدر بخاری شامل تھے۔ گلگت بلتستان سے امجد حسین ایڈوکیٹ صدر پاکستان پیپلز پارٹی گلگت بلتستان، سید مہدی شاہ گورنر گلگت بلتستان، انجینئر اسماعیل، سعدیہ دانش، عمران ندیم، ظفر اقبال، شریف استوری، بشیر احمد، اور جمیل احمد نے شرکت کی۔

پاکستان پیپلز پارٹی کی قیادت نے اس موقع پر گلگت بلتستان کے عوام کے ساتھ اپنی وابستگی کا اعادہ کرتے ہوئے کہا کہ پارٹی خطے کی ترقی، خودمختاری اور عوامی حقوق کے تحفظ کے لیے اپنی جدوجہد جاری رکھے گی۔
Pakistan Peoples Party - PPP Bilawal Bhutto Zardari The President of Pakistan Qamar Zaman Kaira