Al Hamza Multi Traders

گلگت(پ ر) این ایل سی کے ایکسئن کا غنڈوں کے ہمراہ سابق صدر گلگت بلتستان نیوز پیپرز سوسائٹی عامر جان پر حملہ، خومر میں سیوریج لائن منصوبے پر کام کرنے والے ایکسئن ہفتہ کے روز تقریباً5 بجے کے قریب ایکسئن موقع پر موجود تھے جب صدر جی بی این ایس نے سیوریج لائن کے حوالے سے تحفظات کا اظہار کیا تو ان کے ساتھ موجود افراد نے انتہائی ہتک امیز رویہ اپناتے ہوئے دھمکیاں دی کہ ہم کسی کو جواب دہ نہیں ہیں۔ جس پر سابق صدر نے ان کو کہا کہ ہمیں مطمئن کیا جائے کہ یہ منصوبہ ناکام ہوا تو ذمہ دار کون ہو گا۔ اس پر ایکسئن کے ساتھ موجود ٹھیکیدار و دیگر افراد حملہ آور ہو گئے اور سابق صدر عامر جان کو شدید زدو کوب کیا۔ این ایل سی کے ایکسئن اور ان کے پالتو غنڈوں کی اس غنڈہ گردی پر گلگت بلتستان نیوز پیپرز سوسائٹی نے انتہائی تشویش کا اظہار کرتے ہوئے این ایل سی کے ایکسئن پر شدید برہمی کا اظہار کرتے ہوئے متعلقہ حکام سے فوری طور پر ایکشن لینے کا مطالبہ کیا ہے۔ گلگت بلتستان نیوز پیپرز سوسائٹی کے صدر راجہ شاہ سلطان مقپون اور جنرل سیکرٹری گوہر ایوب نے واقعے کی شدید الفاظ میں مذمت کرتے ہوئے این ایل سی کے اعلیٰ حکام سے اس واقعے کا فوری نوٹس لیکر کارروائی کا مطالبہ کیا ہے۔ انہوں نے کہا کہ سیوریج لائن عوام کی بہتری کیلئے بنایا جا رہا ہے اس پر عوامی تحفظات دور کرنے کی بجائے حملہ کرنا انسانیت کے منافی ہے۔ گلگت بلتستان نیوز پیپرز سوسائٹی نے متنبہ کیا ہے کہ اگر متعلقہ ایکسئن اور ان کے غنڈوں کے خلاف کارروائی نہیں کی گئی تو نہ صرف لوکل میڈیا بلکہ نیشنل اور انٹر نیشنل میڈیا ان کے خلاف احتجاج کی کال دے گی۔