LifeLine Foundation

تھیلیسیمیا سنٹر میں آج کوٹلی سے تعلق رکھنے والی چند ہمدرد اور باصلاحیت طالبات نے تھیلیسیمیا سنٹر کا دورہ کیا اور تھیلیسیمیا سے متاثرہ بچوں میں تحائف تقسیم کیے۔ اس موقع پر بچوں کے چہروں پر مسکراہٹیں بکھر گئیں اور سنٹر کا ماحول خوشی سے بھر گیا۔ طالبات نے اس موقع پر لائف لائن فاؤنڈیشن رجسٹرڈ کی جانب سے تھیلیسیمیا سے متاثرہ بچوں کی خدمت اور ان کی فلاح و بہبود کے لیے کیے جانے والے اقدامات کو سراہتے ہوئے کہا کہ اس طرح کے فلاحی کام معاشرے کے لیے امید کی کرن ہیں۔ انہوں نے اس عزم کا اظہار بھی کیا کہ مستقبل میں بھی وہ ایسے انسان دوست اقدامات میں اپنا کردار ادا کرتی رہیں گی۔ لائف لائن فاؤنڈیشن رجسٹرڈ کے نمائندگان نے طالبات کی اس محبت اور حوصلہ افزائی کو قابلِ قدر قرار دیتے ہوئے ان کا شکریہ ادا کیا اور کہا کہ معاشرے کے نوجوانوں خصوصاً طالبات کا اس طرح فلاحی سرگرمیوں میں حصہ لینا انسانیت کے لیے ایک مثبت پیغام ہے۔

®️
&PAK