Toormang.com

اسلامیہ کالج پشاورلیکچرر قتل کیس: ملزم گرفتار ،عدالت نے 14 سال قید بامشقت کی سزا سنا دی

اسلامیہ کالج پشاور کے لیکچرر بشیر احمد قتل کیس میں نامزد سیکیورٹی گارڈ شیر محمد کو پولیس نے ضلع کرک سے گرفتار کرنے کے بعد عدالت میں پیش کیا، جہاں جرم ثابت ہونے پر اسے 14 سال قیدِ بامشقت کی سزا سنائی گئی۔

پولیس کے مطابق واقعہ 19 فروری 2023 کو پیش آیا جب ملزم نے معمولی تلخ کلامی پر فائرنگ کر کے انگریزی شعبے کے لیکچرر بشیر احمد کو قتل کر دیا۔ مقتول کا تعلق ضلع مردان کے علاقے تورڈھیر سے تھا۔ واقعے کے بعد مقتول کے بھائی کی مدعیت میں مقدمہ درج کیا گیا اور ملزم کو پولیس نے کارروائی کے دوران کرک سے گرفتار کر کے پشاور منتقل کیا۔

اسلامیہ کالج حکام کے مطابق ملزم اور مقتول کے درمیان ایک ماہ قبل بھی کسی نامعلوم معاملے پر تلخ کلامی ہو چکی تھی، جس کے بعد اساتذہ نے یونیورسٹی کے ڈائریکٹر سیکیورٹی کو گارڈ کی تبدیلی کی درخواست بھی دی تھی تاکہ کسی ناخوشگوار واقعے سے بچا جا سکے۔

واقعے کے بعد اسلامیہ کالج کے طلبہ نے دو روز تک احتجاج کیا اور فوری گرفتاری کا مطالبہ کیا، جس کے بعد کالج انتظامیہ نے 20 سے 25 فروری تک ادارے کو بہار کی تعطیلات کے لیے بند کرنے کا اعلان کیا۔

عدالتی کارروائی کے دوران استغاثہ نے گواہان اور شواہد پیش کیے، جن کی بنیاد پر عدالت نے ملزم شیر محمد کو دفعہ 302 کے تحت 14 سال قیدِ بامشقت کی سزا سنائی، تاہم دفعہ 404 میں ناکافی شواہد کے باعث بری کر دیا گیا۔

نادرا نے شہریوں کی سیکیورٹی کو مدنظر رکھتے ہوئے نئے فارم ب بنانے کے طریقہ کار کو تبدیل کر دیا

اٹھارہ سال سے کم عمر بچوں کا فارم ب بنانے کا طریقہ کار۔

1: فارم ب بنانے کیلئے متعلقہ گاؤں کی یونین کونسل سے بچے کا پیدائشی سرٹیفیکیٹ بنوانا لازم قرار

2: دس سال عمر سے بڑے بچوں کی تصویر اور انگلیوں کے نشانات لگانے کیلئے نادرا دفتر لے کر آنا لازمی ہے۔

3: دس سال سے کم عمر بچوں کو فعل حال دفتر لے کر آنا ضروری نہیں۔

4:ایک سے زائد بچوں کیلئے ہر ایک بچے کا الگ الگ ب فارم جاری کیا جائے گا۔

5: اگر پہلے سے تیار فارم ب میں کوئی ترمیم یا تبدیلی ممکن ہو یا نوزائیدہ بچے کا اندراج شامل کرنا ہو تو پھر نئے طریقہ کار کے مطابق تمام بچوں کا نیا فارم ب تیار ہو گا۔

6: نئے طریقہ کار سے بنائے گئے فارم ب میں پہلے سے شامل بچوں کے رجسٹریشن نمبر میں تبدیلی نہیں آئے گی رجسٹریشن نمبر پہلے سے جاری کردہ مستند ہوں گے

بادشاہ میڈیکل سینٹر (BMC) تیمرگرہ میں آسامیاں خالی ہیں۔
اگر آپ صحت کی دیکھ بھال اور فضیلت کے بارے میں پرجوش ہیں، تو ہمیں اپنا ریزیومے بھیجیں!