Additional Assistant Commissioner Samarbagh

*افغان مہاجرین کے خالی کردہ مکانات کی مسماری، مورخہ 07 جولائی 2026*
ڈپٹی کمشنر دیر پائیں جناب بشارت احمد صاحب کی خصوصی ہدایات پر، آج ایڈیشنل اسسٹنٹ کمشنر ثمرباغ سعید اللّٰہ نے تحصیلدار ثمرباغ، ایس ایچ او پولیس اسٹیشن معیار اور ٹی ایم اے عملے کے ہمراہ افغان مہاجرین کیمپ معیار کا دورہ کیا۔
اس دوران آپریشن کرتے ہوئے افغان مہاجرین کے خالی کردہ تمام مکانات کو ہیوی مشینری کے ذریعے مسمار کر دیا گیا۔
تمام افغان مہاجرین کو سختی سے ہدایت کی جاتی ہے کہ وہ اپنے آبائی وطن واپس چلے جائیں، بصورتِ دیگر فارن ایکٹ (Foreign Act) کے تحت سخت قانونی کارروائی عمل میں لائی جائے گی

*ایلومینیم فاسفیٹ، ( زہریلی گولیوں) کی فروخت کے خلاف کارروائی،مورخہ 06 جولائی 2026*
ایڈیشنل اسسٹنٹ کمشنر ثمرباغ، سعید اللّٰہ نے آج کارروائی کرتے ہوئے ان دکانداروں کے خلاف ایکشن لیا ہے جو بغیر کسی لائسنس کے 'ایلومینیم فاسفیٹ' ( زہریلی گولیاں) فروخت کرنے میں ملوث تھے۔
*کارروائی کی وجہ*
انتظامیہ کو حال ہی میں اس حوالے سے متعدد شکایات موصول ہوئی تھیں کہ ان خطرناک گولیوں کے غیر قانونی استعمال اور ان تک آسان رسائی کے باعث علاقے میں کئی قیمتی انسانی جانیں ضائع ہو چکی ہیں۔ عوامی تحفظ کو یقینی بناتے ہوئے، ایڈیشنل اسسٹنٹ کمشنر نے فوری ایکشن لینے کا فیصلہ کیا۔
*موقع پر کارروائی*
ایڈیشنل اسسٹنٹ کمشنر نے فوری طور پر متعلقہ دکان پر چھاپہ مارا اور غیر قانونی گولیاں ضبط کر کے دکان کو موقع پر سیل کر دیا۔
انتظامیہ کی جانب سے واضح کیا گیا ہے کہ ان دکانداروں کے خلاف نہ صرف مقدمات درج کیے جائیں گے بلکہ قانون کے مطابق مزید سخت کارروائی بھی عمل میں لائی جائے گی۔

کیٹیگری ڈی ہسپتال منڈہ، سول ویٹرنری ہسپتال منڈہ، اور مہنگی ایل پی جی فروخت کرنے والے دکانداروں کے خلاف کارروائی، مورخہ 02 جولائی 2026
--------------------------------------
ضلعی انتظامیہ دیر پائین، ڈپٹی کمشنر دیر پائین جناب بشارت احمد صاحب کے ھدایات پر ایڈیشنل اسسٹنٹ کمشنر ثمرباغ سعید اللّٰہ نے مندرجہ ذیل کاروائیاں کی
*ایل پی جی (LPG) کی قیمتوں کی نگرانی*
سب ڈویژن ثمرباغ میں ایل پی جی کی قیمتوں کو چیک کیا گیا۔ تمام دکانداروں کو سختی سے ہدایت کی گئی کہ وہ سرکاری نرخنامے کے مطابق ہی گیس فروخت کریں۔ خلاف ورزی کرنے والوں کے خلاف سخت کارروائی کی تنبیہ کی گئی۔
*کیٹگری-ڈی ہسپتال منڈا کا دورہ:* ہسپتال میں ٹاوٹس (touts) کی موجودگی کے حوالے سے موصول ہونے والی شکایات کا سخت نوٹس لیا گیا۔ ہسپتال میں موجود پولیس گارڈز کے اہلکاروں کو ہدایت جاری کی کہ وہ ان ٹاوٹس کو فوری طور پر گرفتار کر کے پیش کریں
*طبی سہولیات کا جائزہ* ہسپتال کے مختلف شعبہ جات بشمول آپریشن تھیٹر (OT)، ایمرجنسی اور دیگر وارڈز کا تفصیلی معائنہ کیا گیا۔ معائنے کے دوران تمام سٹاف اپنی ڈیوٹی پر موجود پایا گیا۔
*سول ویٹرنری ہسپتال کا معائنہ* مویشیوں کے ہسپتال میں سٹاف کی حاضری رجسٹر اور جانوروں کو فراہم کی جانے والی طبی سہولیات کا جائزہ لیا گیا۔ کچھ اہلکار ڈیوٹی سے غیر حاضر پائے گئے، جن کے خلاف قانونی کارروائی کے لیے ضلعی ڈائریکٹر لائیو سٹاک کو رپورٹ ارسال کی جائے گی۔

**دریائے پنجکوڑہ اور اس کے معاون ندی نالوں میں نہانے پر پابندی, مورخہ 14 جون 2026**
آج ایڈیشنل اسسٹنٹ کمشنر ثمرباغ نے تحصیل منڈہ کے علاقے خزانہ/ملالہ میں دریائے پنجکوڑہ کے معاون ندی نالوں (Tributaries) کا ا دورہ کیا۔ دورے کے دوران متعدد بچوں کو دریا میں نہاتے ہوئے پایا گیا۔
یاد رہے کہ انتظامیہ کی جانب سے دریائے پنجکوڑہ اور اس سے منسلک تمام ندی نالوں میں نہانے اور تیراکی کرنے پر **دفعہ 144 (CrPC 144)** کے تحت پہلے ہی سخت پابندی عائد کی جا چکی ہے۔ یہ فیصلہ گرمی کے موسم میں ڈوبنے کے بڑھتے ہوئے واقعات اور قیمتی انسانی جانوں کے تحفظ کے پیشِ نظر کیا گیا ہے۔
**والدین سے گزارش:**
اپنے بچوں پر کڑی نظر رکھیں اور انہیں دریا یا گہرے ندی نالوں کا رخ کرنے سے روکیں۔ آپ کا ایک لمحے کا احساسِ ذمہ داری آپ کے بچوں کو کسی بڑے حادثے سے محفوظ رکھ سکتا ہے۔