Chairman VC Nagar

چیئرمین شہزادہ جمال الدین کی سربراہی میں آج وی سی نگر کے ممبران کے ساتھ اجلاس ہوا۔ ہمارے گائوں بدوگل، میرکھانی، کٹاگل، لشت، پچولنگ، پراش اور پتائی کے حوالے سے بہت سے مسائل زیر بحث آئے اور انشاء اللہ یہ تمام مسائل جلد حل ہو جائیں گے.

پراش اور پتائی گاؤں کے لیے جیپ ایبل پل ہمیشہ سے ایک خواب تھا اور زیادہ تر سیلاب کے دوران پراش اور پتائی کے لوگ کئی دنوں تک پھنسے رہتے تھے جس سے اسکول جانے والے بچے، اسپتال جانے والی خواتین اور معاشرے کے مختلف طبقوں سے تعلق رکھنے والے افراد متاثر ہوتے تھے۔ ہم نے اس پل کی اہمیت کے لیے ڈپٹی کمشنر چترال سے درخواست کی ہے۔ انشاء اللہ ہمیں امید ہے کہ اس پل پر جلد کام شروع ہو جائے گا۔

الحمدللہ آج شہزادہ جمال الدین چیئرمین وی سی نگر نے نگر میں یوٹیلیٹی سٹور کی برانچ کا افتتاح کیا۔ اس سے ہمارے لوگوں کو آٹا، گھی اور چینی کم نرخوں پر حاصل کرنے میں فائدہ ہوگا.