General Knowledge

نہرو کپ 1989 کا فائنل یکم نومبر کو کولکتہ کے تاریخی ایڈن گارڈنز میں پاکستان اور ویسٹ انڈیز کے درمیان کھیلا گیا، جو چھ ملکی ٹورنامنٹ کا فیصلہ کن مقابلہ تھا۔
اس ٹورنامنٹ کی خاص بات یہ تھی کہ بالکل ورلڈ کپ کی طرح تھا کیونکہ اس میں دنیا کی تمام انٹرنیشنل ٹیموں نے حصہ لیا تھا
ویسٹ انڈیز نے ٹاس جیت کر پہلے بیٹنگ کی اور 50 اوورز میں 5 وکٹوں کے نقصان پر 273 رنز بنائے، جن میں ڈیسمنڈ ہینز کی شاندار سنچری (107)، فل سمنز کے 40، رچی رچرڈسن کے 27 اور ویو رچرڈز کے 21 رنز شامل تھے۔ پاکستان کی جانب سے کپتان عمران خان نے 9 اوورز میں 47 رنز دے کر 3 وکٹیں حاصل کیں۔ جواب میں پاکستان نے پراعتماد آغاز کے بعد درمیانی اوورز میں سنبھل کر بیٹنگ کی، رمیز راجہ نے 35، اعجاز احمد نے 56 اور سلیم ملک نے 71 رنز بنائے، جبکہ کپتان عمران خان نے ناقابلِ شکست 55 رنز کی اننگز کھیل کر ٹیم کو آخری اوور میں 277 رنز کے ساتھ 4 وکٹوں سے یادگار فتح دلائی۔ عمران خان کی آل راؤنڈ کارکردگی (3/47 اور 55*) نے نہ صرف میچ بلکہ ٹورنامنٹ کا رخ موڑ دیا، جس پر انہیں مین آف دی میچ اور پلیئر آف دی سیریز قرار دیا گیا۔ یہ جیت پاکستان کرکٹ کی تاریخ میں ایک تاریخی اور سنہری باب کے طور پر یاد رکھی جاتی ہے۔

کیا آپ نے کبھی اس بات پر غور کیا کہ لائف بوائے صابن یا شیمپو Life Boy نہیں بلکہ Lifebuoy ہے ۔۔۔
" لائف بوائے " سے مراد polyethylene سے بنا ایک پانی پر تیر پانے والا گول سانچہ ہے جسے سمندر,دریا میں ڈوب رہے کسی شخص کی جانب پھینکا جاتا ہے اور وہ اس دائرے کو تھام کر ڈوبنے سے بچ سکتا ہے ۔۔
لائف بوائے کا مطلب ہے " زندگی بچانے والا ہالہ ".
تو اس صابن کو لائف بوائے کیوں کہا جاتا ہے ۔۔۔؟؟
1890 کی دہائی میں صحت صفائی ایک بہت اہم مسٌلہ تھا اور لوگ جراثیم سے پھیلنے والی بیماریوں کا شکار ہو کر بڑی تعداد میں جان سے ہاتھ دھو بیٹھتے تھے چنانچہ جب ولیم میور اور جیمز لیور نے یہ صابن ایجاد کیا اور ایک ہاتھ دھلوائی مہم شروع کی تو اس مہم کو لائف بوائے یعنی زندگی بچانے والی مہم قرار دیا ۔۔۔ اس طرح یہ نام مستقل مروج ہوگیا ۔