Green Army

قومی ٹیم میں نام آنے کے انتظار میں دلبر داشتہ ہو کر تجربہ کار فرسٹ کلاس کرکٹر محمد سعد نے ریٹائر منٹ کا اعلان کر دیا۔

فرسٹ کلاس کرکٹر محمد سعد نے قذافی اسٹیڈیم میں قائد اعظم ٹرافی کے میچ کے دوران ریٹائر منٹ کا فیصلہ کیا۔ محمد سعد کے اچانک اس فیصلے سے ساتھی کھلاڑی بھی حیران رہ گئے۔

فرسٹ کلاس کرکٹر نے آخری میچ سینٹرل پنجاب کی جانب سے سدرن پنجاب کے خلاف کھیلا، اور اپنی آخری فرسٹ کلاس انگز میں 182 رنز بھی بنائے۔

اس حوالے سے محمد سعد کا کہنا تھا کہ انٹر نیشنل کرکٹ میں موقع ملنے کی امید ختم ہونے کے خدشے پر ریٹائر منٹ کا فیصلہ کیا۔

انہوں نے ساتھی کھلاڑیوں سے گفتگو کرتے ہوئے کہا کہ 'مجھے نہیں لگتا کہ اب مجھے موقع مل سکتا ہے، اس لیے اب کیا فائدہ۔

محمد سعد نے یہ بھی کہا کہ اگلے سیزن میں پھر 10 میچز کھیلنے سے کیا حاصل ہو گا ؟ اس لیے اب بس۔

محمد سعد سے ساتھی کھلاڑیوں نے نیک خواہشات کا اظہار کیا جبکہ آخری اننگز کے بعد اپنی ٹیم کے علاوہ حریف ٹیم کے کھلاڑیوں نے بھی انہیں زبر دست انداز میں خراج تحسین پیش کیا۔

واضح رہے کہ محمد سعد نے 124 فرسٹ کلاس میچز میں 6571 رنز بنائے جس میں 12 سنچریاں اور 34 نصف سنچری شامل ہے۔

Awais.

Yes we got.