Arcade Transport Inc.

Full capacity na ang mga Public Utility Vehicles (PUVs) sa National Capital Region, simula bukas, Marso 1, kung kailan paiiralin na ang Alert Level 1 sa rehiyon, batay sa guidelines na inaprubahan ng Inter-Agency Task Force for the Management of Emerging Infectious Diseases.

Nangangahulugan ito na maaari nang punan ang lahat ng mga upuan sa mga pampasaherong bus, jeep, taxi, Metro Rail Transit, Light Rail Transit, Philippine National Railways (PNR), tricycle, at iba pa.

Hindi na rin required ang paggamit ng acrylic at/o plastic dividers sa pampublikong sasakyan.

Pero kailangan pa rin magsuot ng face mask sa lahat ng oras.