DGTE News Update

𝐆𝐎𝐕.𝐆𝐖𝐄𝐍 𝐆𝐀𝐑𝐂𝐈𝐀 𝐃𝐈𝐋𝐈 𝐌𝐎𝐊𝐀𝐍𝐀𝐔𝐆 𝐒𝐀 𝐈𝐘𝐀𝐍𝐆 𝐏𝐖𝐄𝐒𝐓O

CEBU PHILIPPINES -Taliwa sa pagluwat og kamandoan sa Office of the Omubdsman batok kang Gobernador Gwendolyn Garcia, nipahibawo ang Gobernadora nga dili siya mokanaug sa iyang katungdanan.

Gianunsyo kini ni Garcia atol sa pagpakig-atubang sa legal team niini ngadto sa mga sakop sa media sa Sugbo diin gihisgotan ang gipagawas nga suspension order sa Ombudsman batok sa Gobernadora.

Nipasabot si Garcia nga dili siya mobiya sa iyang posisyon sanglit aduna sila'y gihimong mga legal nga lakang (wala na gi-detalye pa) nunot sa maong kamandoan sa Ombudsman batok kaniya lakip niini ang pagsuwat ngadto kang DILG Secretary Jonvinc Remulla.

Kahinumduman nga kagahapon, Abril 29, 2025 giluwat sa Ombudsman ang kamandoan niini pagsuspenso kang Garcia sud sa unom ka buwan nunot sa gipasaka nga kasong administratiba batok kaniya.

via| Radyoman Arvie Veloso, DYHP RMN CEBU