Brave Soul_Rated SPD

Kahit antok na,
Iyong pinipigilan pa,
Panay abang sa chat nya,
Kahit abutin ng umaga.

Lumipas ang mga oras,
Walang chat sa wakas,
Mag-aabang na naman bukas,
Kung meron xang natitirang oras.

Pero wag ka sana magmatigas,
Dahil hindi ka lang pampalipas oras,
May magmamahal sayo ng wagas,
Na hindi mo kailangan maghintay hanggang bukas.

Kumakatok ang Dios sa puso mo,
Pero binabalewala mo ito,
Dahil abala ka masyado,
Sa sariling gusto mo.

Alay sayo ay buhay na walang hanggan,
Kung Siya ay iyong pagbubuksan,
Hinding-hindi ka Niya sasaktan,
At kahit minsan ay hindi ka iiwan.

Hindi ka Niya paluluhain,
Buhay mo ay aayusin,
Tutuwirin ang iyong landasin,
Gagabayan sa bawat hakbangin.

Siya ang nagmamahal ng wagas,
At hindi ka pampalipas oras,
Naghihintay sayo ay magandang bukas,
Pait ng kahapon mo Siya ang lunas.