DXDN Radyo Ukay

GOVERNOR JUBAHIB MAY PAGTUGOT NA SA SP DAVNOR MAKAPALIT OG KURUDO UG GASOLINA

Gipaaprobahan na sa Sangguniang Panlalawigan Davao del Norte ang resolusyong naghatag og pagtugot kang Governor Edwin I. Jubahib sa pagpalit og imported oil products kini dungan sa gihimong Special Session kagabii, Abril 30, 2026.

Pinaagi sa botong 11-1 naaprobahan ang tinguha ni Governor Edwin Jubahib nga mopalit og kurudo.

Subay niini gitugutan ang Gobernador sa pagpirma sa Sales and Purchase Agreement tali sa NASABE RM Petroleum Corporation aron masiguro ang lig-on ug padayon nga suplay sa fuel sa probinsya.

Matod pa nga lakip sa mga mekanismong gipasa sa SP mao ang contract price cap nga dili molapas sa Php221.5 milyon pinasubay sa tumong nga fiscal discipline samtang ginatubag ang panginahanglan sa operasyon sa probinsya.

Dugang pa sa SP Davao del Norte nga sa supply side, gitugotan ang probinsya nga makapalit og hangtod sa 53 milyones ka litro sa diesel ug 29 milyones ka litro sa gasoline depende kini sa aktuwal nga panginahanglan.

Sumala sa SP, ang maong kasabotan kabahin sa mas lapad nga estratehiya aron matubag ang epekto sa global oil supply disruptions ug pagsaka sa presyo sa petrolyo nga nakaapekto sa transportasyon, agrikultura, ug delivery sa serbisyo publiko.

Gisulti ni Vice Governor Clarice Jubahib nga pinaagi sa maong resolusyon matabangan niini ang tanang apektadong sektor sa oil crisis.

“𝘼𝙣𝙜 𝙖𝙢𝙤𝙣𝙜 𝙙𝙚𝙨𝙞𝙨𝙮𝙤𝙣 𝙠𝙖𝙧𝙤𝙣𝙜 𝙜𝙖𝙗𝙝𝙞𝙤𝙣𝙖 𝙙𝙞𝙡𝙞 𝙡𝙖𝙣𝙜 𝙗𝙖𝙝𝙞𝙣 𝙨𝙖 𝙥𝙖𝙜𝙥𝙖𝙡𝙞𝙩 𝙤𝙜 𝙛𝙪𝙚𝙡. 𝙆𝙞𝙣𝙞 𝙪𝙨𝙖 𝙠𝙖 𝙡𝙖𝙠𝙖𝙣𝙜 𝙖𝙧𝙤𝙣 𝙢𝙖𝙨𝙞𝙜𝙪𝙧𝙤 𝙣𝙜𝙖 𝙙𝙞𝙡𝙞 𝙢𝙖𝙥𝙪𝙩𝙤𝙡 𝙖𝙣𝙜 𝙨𝙚𝙧𝙗𝙞𝙨𝙮𝙤 𝙨𝙖 𝙜𝙤𝙗𝙮𝙚𝙧𝙣𝙤 𝙡𝙞𝙠𝙚 𝙨𝙖 𝙤𝙨𝙥𝙞𝙩𝙖𝙡, 𝙨𝙖 𝙠𝙖𝙥𝙪𝙡𝙞𝙨𝙖𝙣, 𝙨𝙖 𝙖𝙩𝙤𝙣𝙜 𝙢𝙜𝙖 𝙧𝙚𝙨𝙥𝙤𝙣𝙙𝙚𝙧𝙨, 𝙪𝙜 𝙨𝙖 𝙩𝙖𝙣𝙖𝙣𝙜 𝙨𝙚𝙠𝙩𝙤𝙧 𝙣𝙜𝙖 𝙣𝙖𝙜𝙨𝙖𝙡𝙞𝙜 𝙨𝙖 𝙖𝙩𝙤𝙣𝙜 𝙨𝙪𝙥𝙤𝙧𝙩𝙖. 𝙆𝙞𝙣𝙖𝙝𝙖𝙣𝙜𝙡𝙖𝙣 𝙖𝙣𝙙𝙖𝙢 𝙩𝙖, 𝙪𝙜 𝙠𝙞𝙣𝙖𝙝𝙖𝙣𝙜𝙡𝙖𝙣 𝙥𝙧𝙤𝙩𝙚𝙠𝙩𝙖𝙙𝙤 𝙣𝙖𝙩𝙤 𝙖𝙣𝙜 𝙞𝙣𝙩𝙚𝙧𝙚𝙨 𝙨𝙖 𝙠𝙖𝙩𝙖𝙬𝙝𝙖𝙣 𝙨𝙖 𝘿𝙖𝙫𝙖𝙤 𝙙𝙚𝙡 𝙉𝙤𝙧𝙩𝙚,” sulti sa pamahayag ni Vice Governor Clarice Jubahib.

📸 SP DavNor