BHONG VLOGS

My lovely stress reliever 🥰🥰🥰🥰

Masarap tumanda sa Taguig!

Masayang binisita at personal na iginawad ni Congressman Ricardo “Ading” Cruz Jr. at Konsehal Raul Aquino ang centenarian cash gift na nagkakahalagang P100,000 sa 102-taong-gulang na si Lolo Domino Lectana mula sa Barangay Napindan.

Sa pamamagitan ng Office of the Senior Citizens Affairs (OSCA), patuloy na makakatanggap ng P100,000 ang mga sentenaryo ng lungsod sa mga susunod pang taon habang sila ay nabubuhay.

Sa ilalim ng administrasyon ni Mayor Lani Cayetano at sa pakikipagtulungan ng OSCA, ang mga sumusunod ay ilan lamang sa iba pang mga programa at serbisyong natatamasa ng mga nakatatandang Taguigeño:

• birthday cash gift mula P3,000 hanggang P10,000 depende sa kanilang age bracket;
• libreng gamot;
• libreng nursing services sa kanilang tahanan; at
• libreng wheelchairs, canes, at hearing aids.

Maaari ding magtungo ang minamahal nating mga lolo at lola sa Center for the Elderly sa Barangay North Signal Village kung saan maaari nilang mapakinabangan nang libre ang mga sumusunod na espasyo:

• clinic
• massage room
• sinehan
• recreational areas