TCC Quill

𝐌𝐚𝐥𝐚𝐲𝐚𝐧𝐠 𝐌𝐚𝐠𝐦𝐚𝐡𝐚𝐥

Dalawang simpleng kataga, ngunit para sa marami, isa itong kalayaang matagal na ipinagkait at patuloy na ipinaglalaban.

Sa mundong madalas magtakda ng hangganan kung sino ang karapat-dapat mahalin at kung paano dapat ipahayag ang pagmamahal, ang malayang pagmamahal ay nagiging isang tahimik ngunit makapangyarihang anyo ng paglaya—paglaya mula sa takot, panghuhusga, at mga pamantayang nagkukulong sa tunay na pagkatao.

Ang magmahal nang malaya ay hindi lamang tungkol sa pagpili ng taong mamahalin, kundi higit sa lahat, ito ay ang tapang na yakapin ang sarili, igalang ang sariling identidad, at mamuhay nang tapat sa katotohanan ng sariling puso—kahit sa gitna ng hindi pagkakaunawaan at pagtutol ng iba.

Ngayong Pride Month, ipinapaalala sa atin na ang pagmamahal ay hindi dapat sinusukat, nililimitahan, o pinagkakaitan. Sapagkat sa isang mundong may puwang para sa lahat, ang bawat isa ay may karapatang magmahal at mahalin nang malaya—dahil ang pag-ibig ay hindi kailanman isang pribilehiyo lamang ng iilan, kundi ito ay karapatan ng lahat.

Salita ni Hanna Baylin
Likha ni Cashzandra Gumba at Dexter Siao