Virtual Assistant JOY

100% COMPLETED NA ang Malalag Port sa Davao del Sur!

Dahil sa masigasig na implementasyon ng Philippine Ports Authority (PPA), mapakikinabangan na ng ating mga kababayang Davaoeño ang itinuturing na ikatlo sa mga pangunahing 'international maritime gateway' sa bansa, matapos itong sumailalim sa komprehensibong rehabilitasyon.

Nakapaloob sa port development project ang konstruksyon ng RC wharf, access trestle at back-up area. Upgraded na rin ang lighting system sa naturang pantalan.

Inaasahang makatutulong ang rehabilitasyon ng Malalag Port sa higit pang paglago ng ekonomiya ng lalawigan ng Davao del Sur. Bahagi ito ng paggabay ng Department of Transportation (DOTr) sa PPA sa paglulunsad ng mga seaport project upang isulong ang pag-unlad sa iba't ibang bahagi ng bansa.

Ilan sa mga pangunahing cargo na idinadaan sa Malalag Port ang steel products, mga sasakyan, heavy equipment, at asukal.

🇵🇭